ساعىز شايناۋ اس قورىتۋعا كومەكتەسىپ، كوڭىل-كۇيدى كوتەرەدى - زەرتتەۋ

استانا. قازاقپارات - رەسەي عالىمدارى قانتسىز ساعىزدىڭ پايدالى قاسيەتتەرى تۋرالى ايتىپ بەردى. زەرتتەۋ ناتيجەسىندە ونىڭ اسقازاننىڭ اۋىرعانىن جەڭىلدەتىپ، قان اينالىمىن جاقسارتاتىنى جانە كوڭىل-كۇيدى كوتەرەتىنى انىقتالدى.

زەرتتەۋدى رەسەي مەديتسينا ۋنيۆەرسيتەتى، اكادەميك ە. ا. ۆاگنەر اتىنداعى پەرم مەملەكەتتىك مەديتسينا ۋنيۆەرسيتەتى جانە ماركەتينگ ستراتەگيالارىن زەرتتەۋ جانە بەيىمدەۋ ۇلتتىق ينستيتۋتىنىڭ (نيامس) عالىمدارى بىرلەسىپ جۇرگىزگەن. ولار 500-گە جۋىق عىلىمي جاريالانىمداردى تالداپ، ساعىزدىڭ ءتىس ساۋلىعىن ساقتاۋدان باستاپ اس قورىتۋ جۇيەسى مەن ەموتسيونالدىق جاعدايعا دەيىن كەڭىنەن اسەر ەتەتىنىن دالەلدەدى.

زەرتتەۋ ناتيجەسى بويىنشا، قانتسىز ساعىزدى كۇن سايىن ءبىر اي بويى شايناۋ تاماق قالدىقتارى مەن ميكروورگانيزمدەردىڭ ازايۋىنا اكەلىپ، اۋىز قۋىسىنىڭ تازارتادى.

عالىمدار ساعىزدىڭ ءتىس ساۋلىعىنا تيگىزەتىن پايداسىمەن قاتار، كۇيزەلىس دەڭگەيىن تومەندەتىپ، اس قورىتۋ جۇيەسىنىڭ جۇمىسىن جاقسارتاتىن قاسيەتتەرىنە دە نازار اۋدارۋعا شاقىرادى.