سابيىمەن جولدا قالعان ايەل تىكۇشاقپەن اۋرۋحاناعا جەتكىزىلدى

ШҚО әкімінің баспасөз қызметі
Фото: ШҚО әкімінің баспасөз қызметі

وسكەمەن. KAZINFORM - شىعىس قازاقستان وبلىسىندا جولدا قالعان اناسى مەن ءسابيى تىكۇشاقپەن اۋرۋحاناعا جەتكىزىلدى.

ش ق و اكىمى باسپا ءسوز قىزمەتىنىڭ مالىمەتىنە سۇيەنسەك، بۇگىن ساناۆياتسيا دارىگەرلەرى اباي وبلىسى اۋماعىندا قالىپ قالعان جاس انا مەن ءسابيىن وسكەمەندەگى اۋرۋحاناعا جەتكىزدى.

تارباعاتاي اۋدانىنىڭ 21 جاستاعى تۇرعىنى وسكەمەن قالاسىنان تاكسيمەن جولعا شىققان. الايدا سۋ دەڭگەيى كوتەرىلىپ، جول جابىلعاندىقتان اباي وبلىسى كوكپەكتى اۋدانى تاسساي اۋىلىندا قالىپ قويعان. ءوزىن جايسىز سەزىنىپ، دەنساۋلىعىنا الاڭداعاندىقتان دارىگەرلەرگە جۇگىنگەن.

«تاڭعى ۋاقىتتا اناسى مەن بالاسى تىكۇشاقپەن وسكەمەنگە جەتكىزىلىپ، وبلىستىق اۋرۋحانانىڭ گينەكولوگيا بولىمىنە جاتقىزىلدى. ال ءسابي انا مەن بالا ورتالىعىندا دارىگەرلەر باقىلاۋىندا. ومىرلەرىنە ەش قاۋىپ ءتونىپ تۇرعان جوق»، - دەلىنگەن اقپاراتتا.

ШҚО әкімінің баспасөз қызметі
Фото: ШҚО әкімінің баспасөз қызметі

 

سوڭعى جاڭالىقتار