سابينا التىنبەكوۆا شەتەلدىك جاڭا كومانداعا اۋىسادى

استانا. قازاقپارات – قازاقستاندىق ۆولەيبولشى سابينا التىنبەكوۆا مانسابىن يندونەزيانىڭ «Yogya Falcons» كومانداسىندا جالعاستىراتىن بولدى، - دەپ حابارلايدى msports.kz سايتى.

ۆولەيبولشى الداعى ماۋسىمدا يندونەزيانىڭ پروليگاسىندا وينايدى. بۇل جايىندا سپورتشىنىڭ ءوزى ايتا كەتتى.

«قۇرمەتتى مەنىڭ وقىرماندارىم، مەن پروليگا 2025 تە ويناۋ ءۇشىن Yogya Falcons ۆولەيبول كلۋبىمەن كەلىسىمشارتقا وتىرعانىمدى حابارلاپ، قۋانىشتى جاڭالىعىممەن بولىسكىم كەلىپ وتىر. كوماندالاستارىممەن جانە بارلىق يندونەزيالىق ۆولەيبول جانكۇيەرلەرىمەن كەزدەسۋدى اسىعا كۇتۋدەمىن. جاقىن ارادا كورىسكەنشە»، - دەپ جازدى سپورتشى.