ساپاسىز جولدا اپاتقا ۇشىراعان ادام مەملەكەتتەن اقشا وندىرە الا ما
ۇكىمەت وتىرىسىنان كەيىن وتكەن باسپا ءسوز ءماسليحاتىندا ىشكى ىستەر ۆيتسە-ءمينيسترى مارات قوجايەۆ ساپاسىز جولدىڭ كەسىرىنەن اپاتقا ۇشىراعان جۇرگىزۋشىلەردىڭ كەيبىرى مەملەكەتتەن كەلگەن شىعىندى ءوندىرىپ العانىن ايتتى، دەپ حابارلايدى قازاقپارات ءتىلشىسى.

ۇكىمەت وتىرىسىنان كەيىن وتكەن باسپا ءسوز ءماسليحاتىندا ىشكى ىستەر ۆيتسە-ءمينيسترى مارات قوجايەۆ ساپاسىز جولدىڭ كەسىرىنەن اپاتقا ۇشىراعان جۇرگىزۋشىلەردىڭ كەيبىرى مەملەكەتتەن كەلگەن شىعىندى ءوندىرىپ العانىن ايتتى.
«كولىك جۇرگىزۋشىسى جامان جولدا اپاتقا ءتۇسىپ، ماشينەسى جارامسىز بولىپ قالسا، مەملەكەتتەن سوت ارقىلى اقشا وندىرە الا ما؟»، - دەپ سۇرادى جۋرناليست ۆيتسە-مينيستردەن.
مارات قوجايەۆتىڭ ايتۋىنشا، بۇل مۇمكىن. تەك ول ءۇشىن اپاتتىڭ ناقتى جول ساپاسىزدىعىنان بولعانىن دالەلدەۋ كەرەك.
«ارينە، جول-كولىك وقيعاسىنىڭ سەبەبى جولدىڭ جاعدايىنا قاتىستى ەكەنى دالەلدەنسە، سونىڭ كەسىرىنەن جۇرگىزۋشىدە اپاتتىڭ الدىن الۋعا مۇمكىندىك بولماسا، سوتقا ازاماتتىق نەگىزدە شاعىم تۇسىرە الادى. ونداي فاكتىلەر بولعان جانە مۇلكىنە كەلگەن زالالدى ءوندىرىپ العاندار بار. قازىر ولاردىڭ ناقتى سانىن ايتا المايمىن»، - دەدى ۆيتسە-مينيستر.