ساپاسىز فورما ءۇشىن سىنعا قالعان كومپانيا پاراسپورتشىلاردى دا كيىندىرىپ جاتىر

 Сапасыз форма үшін сынға қалған компания параспортшыларды да киіндіріп жатыр
Фото: Фото: видеодан кадр

 ازيادا سپارتاكياداسىندا قازاقستاندىق سپورتشىلاردىڭ فورماسى سىنعا ءتۇستى. سەبەبى ساپاسىز بولىپ شىقتى. بۇگىن بەلگىلى بولعانداي، قىتايدا وتەتىن IV جازعى ازيا پارا ويىندارىنا باراتىن وتاندىق پاراسپورتشىلاردىڭ دا فورماسىن سول كومپانيا تىگەتىن بولدى، دەپ حابارلايدى Kazinform. 

«ءبىز مەملەكەتتىك ساتىپ الۋدا ءتيىستى زاڭنامانى ۇستانامىز. زاڭناماعا سايكەس ۇلتتىق كوماندالار قازاقستاندىق تاۋارمەن قامتاماسىز ەتىلەدى. ياعني ءبىز بارلىق جابدىقتى، سپورتتىق قاجەتتىلىكتەردى وتاندىق وندىرۋشىلەردەن ساتىپ الۋىمىز كەرەك»، - دەدى تۋريزم جانە سپورت ۆيتسە-ءمينيسترى سارسەن قۇرانبەك ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.

ونىڭ ايتۋىنشا، بۇل قازاقستاننىڭ جەڭىل ونەركاسىبىن قولداۋ ماقساتىندا جاسالادى.

«ودان بولەك، ەلىمىزدىڭ زاڭىنا سايكەس ۇلتتىق كوماندالارعا ارنالعان قۇرال- جابدىقتار ءبىر كوزدەن بالامالى تاسىلمەن ساتىپ الىنادى. پاراليمپيادالىق ۇلتتىق كوماندالار ءۇشىن سول ادىستەر بويىنشا سول وندىرۋشىلەردەن سپورتتىق فورمالار ساتىپ الىندى. ەگەر ناقتى ايتساق، بۇل - «N-قازسپو» «Zibroo» جاۋاپكەرشىلىگى شەكتەۋلى سەرىكتەستىگى»، - دەيدى ول.

ەسكە سالا كەتەيىك، بيىل قىركۇيەكتە وتاندىق سپورتشى ازيادا سپارتاكيادا فورماسىنىڭ ساپاسىزدىعىن ايتىپ، سىناعان ەدى.

كەيىن تۋريزم جانە سپورت مينيسترلىگى ازيادا سپارتاكياداسى ءۇشىن وتاندىق سپورتشىلارعا دايىندالعان سپورتتىق فورمانىڭ ساپاسىنا قاتىستى تۇسىنىكتەمە بەردى.

سوڭعى جاڭالىقتار