ساۋد ارابياسى، تۇركيا جانە پاكىستان شۇعىل اسكەري كەلىسسوز وتكىزەدى
استانا. KAZINFORM - ساۋد ارابياسى، تۇركيا جانە پاكىستان باس شتاب باستىقتارى مەككە بىرلەسكەن قورعانىس كەلىسىمىنە سايكەس، كورولدىككە قولداۋ كورسەتۋدى تالقىلاۋ ءۇشىن شۇعىل كەزدەسۋ وتكىزۋدى جوسپارلاپ وتىر، دەپ حابارلايدى Al Jazeera.
بۇل شەشىم نيۋ-يوركتە ءۇش ەلدىڭ سىرتقى ىستەر مينيسترلەرىنىڭ كەزدەسۋىنەن كەيىن قابىلداندى. كەلىسسوز وتەتىن كۇن مەن قولداۋ شارالارى جايلى اقپارات ءالى ناقتىلانعان جوق.
ساۋد ارابياسى، تۇركيا جانە پاكىستان 7-تامىزدا مەككە قالاسىندا بىرلەسكەن قورعانىس كەلىسىمىنە قول قويعان. قۇجاتقا سايكەس، ءۇش ەلدىڭ بىرىنە جاسالعان شابۋىل كەلىسىمنىڭ بارلىق تاراپىنا جاسالعان شابۋىل دەپ سانالادى.
تامىز ايىنىڭ سوڭىندا تاراپتار ساۋد ارابياسىندا كەلىسىمنىڭ حاتشىلىعىن قۇرۋعا جانە اسكەري ىنتىماقتاستىقتى كەڭەيتۋگە كەلىستى.
يەمەندەگى جاعدايدىڭ شيەلەنىسۋى جانە ساۋد ارابياسىنىڭ اۋماعىنا جاسالعان شابۋىلدارعا بايلانىستى جاڭا كەڭەس ۇيىمداستىرۋ جوسپارلانىپ وتىر. Al Jazeera ارناسىنىڭ حابارلاۋىنشا، ءبىر كۇن بۇرىن ساۋد ارابياسىنىڭ اۋە قورعانىس كۇشتەرى تايف پەن يانبۋعا ۇشىرىلعان التى بالليستيكالىق زىمىراندى ۇستاپ العانىن حابارلاعان.
ەسكە سالا كەتەيىك، حۋسيتتەر ساۋد ارابياسىنىڭ يەمەنگە 28 رەت اۋە سوققىسىن جاساعانىن مالىمدەدى.
