«س5+1» : ەنتوني بلينكەن ورتالىق ازيا ەلدەرىنىڭ سىرتقى ىستەر مينيسترلەرىمەن كەزدەستى
استانا. KAZINFORM – ا ق ش مەملەكەتتىك حاتشىسى ەنتوني بلينكەن ورتالىق ازيا ەلدەرىنىڭ سىرتقى ىستەر مينيسترلەرىمەن كەزدەستى، دەپ حابارلايدى ق ر س ءى م باسپا ءسوز قىزمەتى.
ب ۇ ۇ باس اسسامبلەياسىنىڭ 79- سەسسياسى شەڭبەرىندە قازاقستان پرەمەر-ءمينيسترىنىڭ ورىنباسارى - سىرتقى ىستەر ءمينيسترى مۇرات نۇرتىلەۋ، ا ق ش مەملەكەتتىك حاتشىسى ەنتوني بلينكەن، قىرعىزستاننىڭ سىرتقى ىستەر ءمينيسترى جەەنبەك كۋلۋبايەۆ، تاجىكستاننىڭ سىرتقى ىستەر ءمينيسترى سيرودجيددين مۋحريددين، وزبەكستاننىڭ سىرتقى ىستەر ءمينيسترى باحتيەر سايدوۆ جانە تۇرىكمەنستاننىڭ مينيسترلەرى كابينەتى ءتوراعاسىنىڭ ورىنباسارى، سىرتقى ىستەر ءمينيسترى راشيد مەرەدوۆتىڭ قاتىسۋىمەن «س5+1» مينيسترلىك كەزدەسۋى ءوتتى.
سىرتقى ساياسي ۆەدومستۆولاردىڭ باسشىلارى قاۋىپسىزدىك سالاسىنداعى ورتاق ماقساتتارعا قول جەتكىزۋ، ونىڭ ىشىندە ترانسۇلتتىق سىن-قاتەرلەردى شەشۋ، ەكونوميكالىق ءال-اۋقات جانە ايەلدەر قۇقىقتارىن كەڭەيتۋ، بالالار مەن مۇمكىندىگى شەكتەۋلى ادامداردى قورعاۋدى قوسا العاندا ادام قۇقىقتارىن ىلگەرىلەتۋ ءۇشىن «س5+1» وڭىرلىك پلاتفورماسىنىڭ ماڭىزدىلىعىن قايتا راستادى. قاتىسۋشىلار «س5+1» مەملەكەت باسشىلارى سامميتىنىڭ قورىتىندىلارى بويىنشا قول جەتكىزىلگەن جانە نيۋ-يورك دەكلاراتسياسىندا كوزدەلگەن ۋاعدالاستىقتاردى ىسكە اسىرۋدىڭ ماڭىزدىلىعىن اتاپ ءوتتى.
ءسوز سويلەۋ بارىسىندا س ءى م باسشىسى ق ر پرەزيدەنتى قاسىم-جومارت توقايەۆتىڭ الەمدىك گەوساياسي لاندشافتتاعى ورتالىق ازيانىڭ ءرولى تۋرالى كوزقاراسىمەن ءبولىستى. اتاپ ايتقاندا، ول ءوڭىر مەملەكەتتەرىنىڭ نەگىزگى باسىمدىقتارى ءداستۇرلى جانە جاڭا قاۋىپ-قاتەرلەرگە قارسى كۇرەستە ءتۇيىندى ماسەلەلەردى شەشۋدىڭ كەشەندى تاسىلدەرىن ىزدەۋ، سونداي-اق دەن قويۋ شارالارىن ازىرلەۋ ەكەنىن جەتكىزدى.
م. نۇرتىلەۋ تامىز ايىندا استانادا وتكەن ورتالىق ازيا مەملەكەتتەرى باسشىلارىنىڭ VI كونسۋلتاتيۆتىك كەزدەسۋى وڭىردەگى ينتەگراتسيالىق ۇدەرىستەر مەن ەكونوميكالىق ءوزارا بايلانىستى ودان ءارى نىعايتۋعا ىقپال ەتكەنى تۋرالى پىكىر ءبىلدىردى.
سونىمەن بىرگە بارلىق ازاماتتار ءۇشىن ەلەۋلى ناتيجەلەرگە قول جەتكىزۋگە باسا نازار اۋدارا وتىرىپ، ءبىرىنشى كەزەكتە ادامي كاپيتالعا باعىتتالعان قازاقستانداعى ساياسي وزگەرىستەرگە ەرەكشە نازار اۋدارىلدى. ق ر سىرتقى ساياسي ۆەدومستۆوسىنىڭ باسشىسى قازاقستاندا مۇمكىندىگى شەكتەۋلى ادامداردىڭ قۇقىقتارىن ىلگەرىلەتۋ بويىنشا «س5+1» وتىرىسىن وتكىزۋدىڭ ماڭىزدىلىعىن كورسەتتى.
مەملەكەتتىك حاتشى ە. بلينكەن 2025-جىل «س5+1» پلاتفورماسى شەڭبەرىندە ا ق ش پەن ورتالىق ازيانىڭ بەرىك ىنتىماقتاستىعىنىڭ ون جىلدىعىمەن بەلگىلەنەتىنىن اتاپ ءوتىپ، ا ق ش- تىڭ ءوڭىر ەلدەرىمەن ارىپتەستىكتە جاھاندىق ماسەلەلەردىڭ وڭىرلىك شەشىمدەرىن ىزدەۋگە بەيىلدىلىگىن اتاپ ءوتتى.
كەزدەسۋگە قاتىسۋشىلار پراكتيكالىق قورىتىندىلارى ەكونوميكالىق ءوسۋدىڭ درايۆەرى بولا الاتىن «ۆ5+1» پلاتفورماسىن جانە سىني مينەرالدار بويىنشا ديالوگتى ىسكە قوسۋ باستاماسىنىڭ ۋاقىتىلىلىعىن باسا ايتتى.
