ەلوردادا ا ق ش مەملەكەتتىك حاتشىسىنىڭ قاتىسۋىمەن С5+1 كەزدەسۋى وتەدى
وعان قازاقستان پرەمەر-ءمينيسترىنىڭ ورىنباسارى - سىرتقى ىستەر ءمينيسترى مۇحتار تىلەۋبەردى، قىرعىزستاننىڭ سىرتقى ىستەر ءمينيسترى رۋسلان كازاكبايەۆ، تاجىكستاننىڭ سىرتقى ىستەر ءمينيسترى سيرودجيددين مۋحريددين، تۇرىكمەنستاننىڭ سىرتقى ىستەر ءمينيسترى راشيد مەرەدوۆ، وزبەكستاننىڭ سىرتقى ىستەر ءمينيسترى ابدۋلازيز كاميلوۆ جانە ا ق ش مەملەكەتتىك حاتشىسى ەنتوني بلينكەن قاتىستى، دەپ حابارلايدى قازاقپارات.
ق ر سىرتقى ىستەر مينيسترلىگىنەن ءمالىم ەتكەندەي، قاتىسۋشىلار حالىقارالىق جانە وڭىرلىك كۇن تارتىبىندەگى وزەكتى ماسەلەلەردى، سونىڭ ىشىندە ۋكرايناداعى جاعدايدى جانە ونىڭ ورتالىق ازيا وڭىرىنە ىقپالىن تالقىلادى.
«С 5+1 فورماتى ورتالىق ازيانىڭ بەس مەملەكەتى مەن ا ق ش اراسىنداعى ءوزارا ءىس-قيمىلدىڭ كوپجاقتى تەتىگى. كەلەسى مينيسترلىك كەزدەسۋى بيىل قازاقستان استاناسىندا ورتالىق ازيا سىرتقى ساياسي ۆەدومستۆولارىنىڭ باسشىلارى مەن ا ق ش مەملەكەتتىك حاتشىسىنىڭ قاتىسۋىمەن وتەدى دەپ كۇتىلۋدە»، - دەلىنگەن س ءى م حابارلاماسىندا.
