سۋ تاسقىنىنان قازا تاپقاندار سانى 289 عا جەتتى

Кенияда сув тошқинлари қурбонлари сони 289 нафарга етди
Фото: report.az

نايروبي. KAZINFORM - كەنيادا بىرنەشە اپتا بويى جاۋعان نوسەر جاڭبىردان قازا تاپقاندار سانى 289 عا جەتتى، سوڭعى 24 ساعاتتا 12 ادام قازا تاپتى. بۇل تۋرالى ەل بيلىگى سەيسەنبى كۇنى حابارلادى، دەپ جازادى شينحۋا.

كەنيا ۇلتتىق ۇكىمەتىنىڭ ىشكى ىستەر جانە ۇيلەستىرۋ مينيسترلىگىنىڭ مالىمەتىنشە، نوسەر سالدارىنان بولعان جويقىن سۋ تاسقىنى مەن كوشكىننىڭ سالدارىنان 285,6 مىڭ ادام ۇيلەرىن تاستاپ كەتۋگە ءماجبۇر بولدى، تاعى 412336 ادام اۋا رايىنىڭ قولايسىزدىعىنان زارداپ شەكتى.

«سۋ تاسقىنىنان ەڭ كوپ زارداپ شەككەن سەكتورلار كولىك، تۇرعىن ءۇي، ءبىلىم بەرۋ، دەنساۋلىق ساقتاۋ جانە اۋىل شارۋاشىلىعى بولدى»، - دەلىنگەن بيلىك وكىلدەرىنىڭ كەنيانىڭ استاناسى نايروبيدە جاساعان مالىمدەمەسىندە.

قازىر بيلىك ورگاندارى بۇزىلعان جولداردىڭ جاعدايىن باعالاۋدا جانە ماگيسترالداردىڭ ماڭىزدى ۋچاسكەلەرىن قالپىنا كەلتىرۋ جانە قاۋىپسىز قوزعالىستى قامتاماسىز ەتۋ ءۇشىن رەسۋرستاردى جۇمىلدىرۋدا.

اتاپ وتىلگەندەي، سۋ تاسقىنىنان بولعان ۇلكەن شىعىن سالدارىنان كەيبىر مەكتەپتەردىڭ جۇمىسى توقتاپ تۇر.

ايتا كەتەيىك، بۇعان دەيىن كەنيادا سۋ تاسقىنىنان قازا تاپقاندار سانى 154 ادامعا جەتكەنى تۋرالى جازعان ەدىك.

سوڭعى جاڭالىقتار