سۋ تاسقىنى، ورمان ورتتەرى، ساناۆياتسيا - ت ج م ۇشاقتارى قانداي قۇتقارۋ جۇمىستارىن جۇرگىزدى
استانا. KAZINFORM -جىل باسىنان بەرى توتەنشە جاعدايلار مينيسترلىگىنىڭ اۆياتسيا قىزمەتى 6170 ساعات ۇشىپ، 2537 رەت قۇتقارۋ جۇمىستارىنا قاتىسقان. بۇل تۋرالى مينيسترلىكتىڭ قورىتىندىسىندا ايتىلدى.
«قازاۆياقۇتقارۋ» ا ق اۆياتسياسى قاۋىپسىزدىكتى قامتاماسىز ەتۋدە ءتيىمدى جانە ماڭىزدى ەكەنىن دالەلدەپ كەلەدى. كومپانيانىڭ اۋە كەمەلەرى قۇتقارۋ جۇمىستارىندا، تابيعي اپاتتاردىڭ سالدارىن جويۋدا، گۋمانيتارلىق جۇكتەردى تاسىمالداۋدا جانە سانيتارلىق كومەك كورسەتۋدە شەشۋشى رول اتقاردى.
جىل باسىنان بەرى «قازاۆياقۇتقارۋ» 6170 ساعات ۇشىپ، 2537 رەت قۇتقارۋ جۇمىستارىنا قاتىسقان. ونىڭ ىشىندە 1155 ۇشۋ ىزدەۋ- قۇتقارۋ وپەراتسيالارىن، ورتتەردى ءسوندىرۋدى، ءقاۋىپتى اۋماقتاردى تەكسەرۋدى جانە ادامداردى ەۆاكۋاتسيالاۋدى قوسا العاندا، ت ج م مىندەتتەرىن ورىنداۋعا باعىتتالدى.
ق ر ت ج م جەتى ەكيپاجى قازاقستاننىڭ سۋ تاسقىنى قاۋپى بار وڭىرلەرىنەن ادامداردى قۇتقارۋعا بەلسەندى قاتىستى. ولار 2 مىڭنان استام ادامدى، ونىڭ ىشىندە 425 بالانى ەۆاكۋاتسيالادى جانە زارداپ شەككەن اۋداندارعا 30 دان استام توننا گۋمانيتارلىق جۇك جەتكىزدى. جاعدايدى ءتيىمدى باقىلاۋ ءۇشىن 27 اەروۆيزۋالدى تەكسەرۋ جۇرگىزىلدى، بۇل ءقاۋىپتى ۋچاسكەلەردى ۋاقتىلى انىقتاۋعا جانە ىقتيمال قاۋىپتەردىڭ الدىن الۋعا مۇمكىندىك بەردى.
ۇلىتاۋ، قوستاناي، اقتوبە، اتىراۋ، قاراعاندى، پاۆلودار، اقمولا، سولتۇستىك قازاقستان جانە اباي سياقتى قازاقستان وڭىرلەرىندەگى سۋ تاسقىنى سالدارىن جويۋعا ەرەكشە نازار اۋدارىلدى.
- 2024 -جىلى تجم تىكۇشاقتارى ءىرى ورمان جانە دالا ورتتەرىن سوندىرۋگە بەلسەنە قاتىستى، ءورت وشاقتارىنا جالپى كولەمى 390 توننا 130 رەت سۋ توگىلدى. پاۆلودار جانە قاراعاندى وبلىستارىنىڭ شەكاراسىندا اۆياتسيانىڭ كومەگىمەن 10 مىڭ گەكتار القاپتاعى ءورت ءسوندىرىلدى. بۇل Airbus Helicopters تىكۇشاقتارىندا Bambi Bucket سۋ توگەتىن قۇرىلعىلاردى پايدالانۋ ارقىلى مۇمكىن بولدى. ت ج م تىكۇشاقتارى سۋ ايدىندارى مەن جەرگىلىكتى سۋ كوزدەرىن پايدالانىپ، 29 رەت سۋ توكتى، بۇل ءورتتى ءسوندىرۋ پروتسەسىن ايتارلىقتاي جەدەلدەتتى، - دەيدى مينيسترلىك.
سانيتارلىق اۆياتسيا دا 2024 -جىلى ءوزىنىڭ تيىمدىلىگىن كورسەتتى. تجم تىكۇشاقتارى زارداپ شەككەندەردى ەۆاكۋاتسيالاۋ جانە ناۋقاستاردى اۋرۋحاناعا جاتقىزۋ ءۇشىن پايدالانىلدى. الماتى وبلىسىنداعى تۇرگەن شاتقالىنان ومىرتقا جاراقاتى بار ءتۋريستى ەۆاكۋاتسيالاۋ - كورنەكى مىسالداردىڭ ءبىرى. جالپى العاندا ءبىر جىلدا سانيتارلىق اۆياتسيا 395 رەت ۇشىپ، ءتۇرلى جاراقاتى مەن اۋرۋى بار 356 ناۋقاستى تاسىمالدادى.
بيىل ت ج م اۆياتسيانى قولدانىپ، بيىك عيماراتتارداعى ورتتەردى ءسوندىرۋ بويىنشا بىرەگەي جاتتىعۋلار وتكىزدى، بۇل ت ج م اۆياتسياسىنىڭ كۇردەلى ۋربانيزاتسيالانعان جاعدايلاردا مىندەتتەردى شەشۋگە دايىندىعى مەن قابىلەتى جوعارى ەكەنىن كورسەتەدى.
سونىمەن بىرگە، ۇيىمنىڭ اۋە پاركى دە جاڭارتىلدى. جىل سوڭىندا «قازاۆياقۇتقارۋ» اق اۋە پاركىنە جاڭا H145 D3 تىكۇشاعى كەلىپ ءتۇستى. وعان قوسا، چەحيادا جاقىندا پايدالانۋعا بەرىلەتىن جاڭا l 410NG ۇشاقتارىن پايدالانۋ ءۇشىن ۇشقىشتاردى دايارلاۋ كۋرستارى وتكىزىلەدى.
قازىرگى ۋاقىتتا «قازاۆياقۇتقارۋ» اق اۋە پاركىندە 35 تىكۇشاق بار. 2020-2029 -جىلدارعا 26 ۇشاق پەن 32 تىكۇشاقتى قوسا العاندا، 58 اۋە كەمەسىن ساتىپ الۋ كوزدەلگەن، بۇل تجم اۆياتسياسىن ايتارلىقتاي نىعايتۋعا مۇمكىندىك بەرەدى. 2 رەاكتيۆتى ۇشاق، ايماقارالىق تاسىمالداۋعا ارنالعان 4 ۇشاق جانە ايماقتىق رەيستەرگە ارنالعان 20 ۇشاق الۋ جوسپارلانۋدا.
ەسكە سالا كەتەيىك، بۇعان دەيىن ۇكىمەتتە نەيروندىق جەلىلەر ارقىلى توتەنشە جاعدايلاردى بولجاپ، الدىن الاتىنى ايتىلعانىن جازعان ەدىك.
