سۋ تاسقىنى: رەسپۋبليكا بويىنشا 41 مىڭنان استام ادام ءوز شاڭىراعىنا ورالدى

استانا. KAZINFORM - ازاماتتىق قورعاۋ كۇشتەرى، اسكەري قىزمەتشىلەر، جەرگىلىكتى اتقارۋشى ورگاندار، ەرىكتىلەر، بەلسەندىلەر سۋ تاسقىنىنا قارسى جانە قالپىنا كەلتىرۋ جۇمىستارىن جالعاستىرۋدا.

ق ر توتەنشە جاعدايلار مينيسترلىگىنىڭ وكىلى اسقار ءشارىپ ورتالىق كوممۋنيكاتسيالار الاڭىندا وتكەن بريفينگتە اتىراۋ وبلىسى ەرەكشە باقىلاۋدا تۇرعانىن ايتتى.

«جايىق وزەنى سۋ دەڭگەيىنە مونيتورينگ جالعاسۋدا. بوگەتتەردى نىعايتۋ جۇمىستارى جۇرگىزىلىپ جاتىر. وتكەن تاۋلىكتە يندەر، ماحامبەت، يساتاي، قۇرمانعازى اۋداندارىندا 37 مىڭ قاپشىق، 685 توننا ينەرتتى ماتەريال توسەلدى. قۇلسارى قالاسىندا سۋ باسقان اۋماقتان جىلجىمالى سورعى ستانتسياسى مەن موتوپومپا كومەگىمەن 216 مىڭنان استام تەكشە مەتر سۋ سورىلدى»، - دەدى ول.

وسى ۋاقىتقا دەيىن رەسپۋبليكا بويىنشا 41 مىڭنان استام ادام ءوز ۇيلەرىنە ورالعان. 6405 ادام ءالى ەۆاكۋاتسيالاۋ پۋنكتتەرىن پانالاپ وتىر.