سۋ تاسقىنى كەزىندە كاسىبى زارداپ شەككەن كەيبىر اقتوبەلىكتىڭ قۇجاتى تۇگەل ەمەس

اقتوبە. KAZINFORM - اقتوبەدە سۋ تاسقىنى كەزىندە زارداپ شەككەن بيزنەس نىسانىنىڭ سانى ازايدى. سەبەبى كەيبىر كاسىپكەردىڭ قۇجاتى تۇگەل ەمەس.

اقتوبە وبلىسى بويىنشا بۇعان دەيىن 76 كاسىپكەردىڭ شىعىنىن وتەۋ تۋرالى ايتىلدى.

قازىرگى كەزدە ونىڭ سانى - 67.

- بىرىنشىدەن، سۋ تاسقىنى كەزىندە جۇمىس ىستەپ تۇرعان كاسىپ بولۋى ءتيىس. كەيبىرى سالىق ورگاندارىندا جەكە كاسىپكەر رەتىندەگى تىركەۋ قۇجاتىن توقتاتقان. سونداي ەكى كاسىپكەر بار. ەكىنشىدەن، قۇجاتى تۇگەل ەمەس. اۋىلدا دۇكەن بار، ءبىراق قۇجاتتا جەرىن عانا راسىمدەپ، قۇرىلىسى كورسەتىلمەگەن. بۇل كوبىندە كەزدەسەتىن ماسەلە، - دەدى اقتوبە وبلىستىق كاسىپكەرلىك باسقارماسىنىڭ باسشىسى الماس سالىقبايەۆ.

اقتوبە وبلىسىنداعى 67 كاسىپكەرلىك سۋبەكتىسىنىڭ 33 ىنە 380 ميلليون تەڭگەدەن استام قارجى بولىنەدى. قازىرگى كەزدە ولاردىڭ ءوتىنىشىن ايماقتىق كوميسسيا ماقۇلدادى. شىلدە ايىندا 7 كاسىپكەرگە 120 ميلليون تەڭگە اۋدارىلدى. ال قالعان 26 كاسىپكەرلىك سۋبەكتىسىنىڭ شىعىنىن ەسەپتەۋ ءۇشىن باعالاۋ كوميسسياسى جۇمىس ىستەپ جاتىر.

- بىزدە قازىر 4 كاسىپكەر ءوتىنىش بەرمەدى. ولار جىل سوڭىنا دەيىن ۋاقىت بار دەپ ءجۇر. سۋ تاسقىنى كەزىندە مۇلكى بۇلىنگەندەر اراسىندا دۇكەن، تەحنيكالىق قىزمەت كورسەتۋ ورتالىقتارى، مونشا، تسەحتار بار. بارلىق شىعىن ءۇشىن رەسپۋبليكالىق بيۋدجەتتەن 733,5 ميلليون تەڭگە قاراستىرىلدى، - دەدى الماس سالىقبايەۆ.

اۆتور
التىناي ساعىندىقوۆا