سۋ تاسقىنى: اقتوبەدە 44 كاسىپكەردىڭ شىعىنى وتەلدى

اقتوبە. KAZINFORM - اقتوبە وبلىسىندا 44 كاسىپكەردىڭ شىعىنى وتەلدى. ولاردىڭ 31 ءى اقشاسىن الىپ ۇلگەردى.

اقتوبە وبلىسىندا سۋ تاسقىنىنان زارداپ شەككەن شاعىن جانە ورتا بيزنەس وكىلدەرىنە شىعىندى وتەۋ جۇمىسى جالعاسىپ جاتىر. بۇگىندە وڭىرلىك كوميسسيا 44 كاسىپكەرلىك سۋبەكتىسىنىڭ شىعىنىن وتەۋ تۋرالى شەشىمدى ماقۇلدادى. ولاردىڭ شىعىنى - 549,2 ميلليون تەڭگە.

- سونىڭ ىشىندە قازىرگى ۋاقىتتا 31 كاسىپكەرلىك سۋبەكتىسىنە 404,6 ميلليون تەڭگە كولەمىندە قارجىلىق كومەك كورسەتىلدى. قالعان 13 كاسىپكەرگە تولەمدەر جاقىن ارادا جۇرگىزىلەتىن بولادى. جالپى بۇل ماقساتتارعا رەسپۋبليكالىق بيۋدجەتتەن 733,5 ميلليون تەڭگە ءبولىندى، - دەپ حابارلادى اقتوبە وبلىسى اكىمىنىڭ باسپا ءسوز قىزمەتى.

ەسكە سالساق، سۋ تاسقىنى كەزىندە اقتوبە وبلىسىندا 3 مىڭنان استام ۇيگە سۋ كىردى. ونىڭ 1020 سى جارامسىز دەپ تانىلدى. تەڭ جارتىسى ەكىنشى نارىقتان ءۇي ساتىپ السا، قالعانى جاڭا قۇرىلىستى كۇتتى. ءۇي قۇرىلىسى قازىر ىرعىزدىڭ نۇرا، مامىر، ويىلدىڭ قاراتال اۋىلدارىندا جالعاسىپ جاتىر.