سۋ سپورتىنان 2029-جىلى الەم چەمپيوناتى قىتايدا وتەدى
استانا. KAZINFORM - سۋ سپورتى تۇرلەرىنەن 2029-جىلعى الەم چەمپيوناتى قىتاي استاناسى بەيجىڭ قالاسىندا وتەتىن بولدى. بۇل تۋرالى حالىقارالىق ءجۇزۋ فەدەراتسياسى FINA رەسمي تۇردە ءمالىم ەتتى.
«بەيجىڭ 2029-جىلى سۋ سپورتىنان الەم چەمپيوناتىن قابىلدايدى. قىتاي بۇل الەمدىك بىرىنشىلىكتى جوعارى دەڭگەيدە ۇيىمداستىرا الاتىنىنا سەنىمدىمىز. قىتاي بۇل مۇمكىندىك داۋىس بەرۋ قورىتىندىسىنىڭ ناتيجەسىندە جەڭىپ الدى. بەيجىڭ جازعى وليمپيادا ويىندارىن، قىسقى وليمپيادا ويىندارىن جانە كوپتەگەن ءىرى حالىقارالىق سپورتتىق ءىس-شارالاردى ءساتتى وتكىزدى جانە ءىس-شارالاردى وتكىزۋدە باي تاجىريبەسى بار. ءجۇزۋ ءۇشىن تانىمال قالا رەتىندە بەيجىڭ بۇعان دەيىن كوپتەگەن FINA ءجۇزۋ، سۋعا سەكىرۋ، سينحروندى ءجۇزۋ جانە سۋ دوبى جارىستارىن وتكىزگەن»، - دەلىنگەن حابارلمادا.
سۋ سپورتى بويىنشا الەم چەمپيوناتى - FINA ۇيىمداستىراتىن، الەمدىك ءجۇزۋدىڭ ەڭ جوعارى دەڭگەيىن بىلدىرەتىن الەمدەگى ەڭ ۇزدىك ءجۇزۋ جارىسى. ول التى نەگىزگى جارىستان تۇرادى: ءجۇزۋ، سۋعا سەكىرۋ، سينحروندى ءجۇزۋ، سۋ دوبى، اشىق سۋدا ءجۇزۋ جانە بيىك پلاتفورماعا سەكىرۋ.
ايتا كەتەيىك، سۋ سپورتى تۇرلەرىنەن الەم بىرىنشىلىگى 2025 سينگاپۋردا، 2027-جىلى بۋداپەشتتە وتەدى.
اۆتوركۇنسۇلتان وتارباي
