س ق و-دا وتباسىنان ايىرىلعان جاسوسپىرىمگە «ماسكا تاققان ادام» باسپانا سىيلادى
پەتروپاۆل. KAZINFORM - سولتۇستىك قازاقستان وبلىسىنىڭ 16 جاسار تۇرعىنى ستانيسلاۆ دەنيسەنكو باسپانالى بولدى.

«ماسكا تاققان ادام» ون شاقتى كۇن بۇرىن اكەسىنەن جانە ءتورت باۋىرىنان ايىرىلعان جاسوسپىرىممەن كەزدەستى.
ستانيسلاۆ پەتروپاۆلداعى كوللەدجدەردىڭ بىرىندە وقىپ، جاتاقحانادا تۇرادى.
- ءۇيىمىز ورتەنگەندە مەن پەتروپاۆلدا، جاتاقحانادا بولدىم. ءورتتىڭ نەدەن شىققانى ازىرگە بەلگىسىز، ءبىراق ەلەكتر سىمدارىنىڭ قىسقا تۇيىقتالۋى سەبەپ بولۋى مۇمكىن. ءارى ۇيدە كومىرقىشقىل گازى بولعان. اكەم 40 جاستا، اپكەم - 18 دە، قارىنداسىم 13 تە، ءىنىم 10 دا جانە ەڭ كىشكەنتايىمىز 7 دە عانا بولدى. جەتى جىل بۇرىن انام قايتىس بولدى. مەنىڭ كوزىم ناشار كورەدى، 4-. باۋىرلارىمدى قالاعا اكەتىپ، وقىتۋ ارمانىم بولاتىن. بۇل ارمانىمنان ايىرىلدىم، ءارى قاراي نە ىستەيتىنىمدى بىلمەيمىن، - دەدى جاس ءوسپىرىم «ماسكا تاققان اداممەن» اڭگىمە بارىسىندا.
ءبىر كۇندە بۇكىل وتباسىنان ايىرىلعان بالا قازىر جالعىزدىقتىڭ كۇيىن كەشىپ جۇرگەنىن ايتتى.
- سەنىڭ باسىڭنان وتكەرگەن قيىندىقتى ەشكىمنىڭ باسىنا بەرمەسىن، سەن جالعىز ەمەسسىڭ، مۇنىڭ بارىنەن ءبىز بىرگە وتەمىز. بۇدان بىلاي ساعان وقۋىمدى قالاي تولەيمىن دەپ ۋايىمداۋدىڭ كەرەگى جوق، سونداي-اق كوزىڭدى ەمدەۋگە دە كومەكتەسەمىز. ەندى ءوزىڭنىڭ باسپاناڭ دا بولادى، - دەدى «ماسكا تاققان ادام».
ەستەرىڭىزگە سالايىق، س ق و شال اقىن اۋدانى ستۋپينكا ەلدى مەكەنىندە ءۇي ورتەنىپ، بەس ادام مەرت بولعان ەدى.
س ق و اكىمدىگى وكىلدەرى ورتتە قازا تاپقان وتباسىنى جەرلەۋ ءراسىمىن وتكىزۋگە كومەك كورسەتىلەتىنىن ايتتى.