س ك ي-الپينيزم: ۇ و ك پەن الپينيزم جانە سپورتتىق جارتاسقا ورمەلەۋ فەدەراتسياسى جاڭا سپورت ءتۇرىن دامىتپاق

استانا. KAZINFORM - قازاقستان ۇلتتىق وليمپيادالىق كوميتەتىنىڭ باسشىسى گەننادي گولوۆكين الپينيزم جانە سپورتتىق جارتاسقا ورمەلەۋ فەدەراتسياسىنىڭ پرەزيدەنتى نۇرسۇلتان شوقانوۆپەن كەزدەسۋ وتكىزدى، دەپ حابارلايدى Olympic.kz.

كەزدەسۋ بارىسىندا فەدەراتسيانىڭ الداعى وليمپيادا ويىندارىنا قاتىستى مىندەتتەرى (ميلان- كورتينا-2026، لوس- اندجەلەس-2028)، سونىمەن بىرگە قۇرامانىڭ الداعى حاربيندە وتەتىن قىسقى ازيا ويىندارىنداعى ماقساتتارى تالقىلاندى.

ايتا كەتەلىك، فەدەراتسيا ەكى وليمپيادالىق سپورت تۇرىنە جەتەكشىلىك ەتەدى. ولار - سپورتتىق جارتاسقا ورمەلەۋ مەن س ك ي-الپينيزم. سپورتتىق جارتاسقا ورمەلەۋ 2020 -جىلعى توكيوداعى جانە 2024 -جىلعى پاريجدەگى ويىنداردا جانكۇيەرلەردىڭ قىزىعۋشىلىعىن وياتىپ، وليمپيادا ويىندارىنىڭ باعدارلاماسىنا مىقتاپ ەنسە، س ك ي-الپينيزم ەندى عانا تانىلىپ كەلەدى.

س ك ي-الپينيزم - بۇل 2026 -جىلعى وليمپيادا ويىندارىندا العاش رەت ۇسىنىلاتىن جاڭا وليمپيادالىق سپورت ءتۇرى. ول تاۋعا شاڭعىمەن شىعىپ، قاتتى جىلدامدىقپەن ءتۇسۋ كەزىندە كۇردەلى ۋچاستوكتاردان ءوتۋ ءۇشىن الپينيزم ماشىقتارىن قولدانۋدى قامتيدى.

قازىرگى تاڭدا قازاقستاندا حالىقارالىق دەڭگەيدە جارىسا الاتىن سپورتشىلار ءالى بار. الايدا مۇنىڭ الدىندا ولار تاعى ءبىر ماڭىزدى جارىس - 7-17-اقپان ارالىعىندا حاربيندە وتەتىن ازيا ويىندارى كۇتىپ تۇر.

«سپورتتىق جارتاسقا ورمەلەۋ جانە س ك ي-الپينيم - بۇل الەۋەتى زور جانە قارقىندى سپورت ءتۇرى. قازاقستان قۇراماسى ەكى اينالىم ىشىندە سپورتىق جارتاسقا ورمەلەۋدەن ۇلكەن ناتيجەگە قول جەتكىزدى. امير مايمۇراتوۆتىڭ كەرەمەت ونەر كورسەتۋى بارلىعىنىڭ ەسىندە، ول كۆاليفيكاتسيا راۋندىندا رەكورد ورناتىپ، ويىندار قورىتىندىسى بويىنشا بەس ۇزدىك سپورتشى قاتارىنا ەنگەن. بۇگىندە ءبىزدىڭ قۇرامعا الدىن الا التى سپورتشى ەنىپ وتىر. ولار حاربيندەگى قىسقى ازيا ويىندارىندا ونەر كورسەتپەك. دايىندىقتى باستاپ كەتتى. حاربيندەگى جارىستاردان سوڭ قورىتىندى جاساپ، قۇرامدى رەتتەيمىز، ميلان-كورتيندەگى وليمپياداعا جولداما الۋ ءۇشىن دايىندىق جانە باسقا دا دۇنيەلەردى قولعا الامىز»، - دەدى نۇرسۇلتان شوقانوۆ.

اۆتور
ايدار وسپاناليەۆ