سۋ شارۋاشىلىعى كوميتەتىنىڭ ءتوراعاسى تاعايىندالدى

نۇربەك سەرىكوۆ 1989 -جىلى قاراعاندى وبلىسى بالقاش قالاسىندا دۇنيەگە كەلگەن. اكادەميك ە. ا. بوكەتوۆ اتىنداعى قاراعاندى مەملەكەتتىك ۋنيۆەرسيتەتىن، س. سەيفۋللين اتىنداعى قازاق اگروتەحنيكالىق ۋنيۆەرسيتەتىن، سولتۇستىك زاۋرالە مەملەكەتتىك اگرارلىق ۋنيۆەرسيتەتىن، قازاقستان رەسپۋبليكاسى پرەزيدەنتىنىڭ جانىنداعى مەملەكەتتىك باسقارۋ اكادەمياسىن جانە قازاق ۇلتتىق سۋ شارۋاشىلىعى جانە يرريگاتسيا ۋنيۆەرسيتەتىن بىتىرگەن. پرەزيدەنتتىك جاستار كادر رەزەرۆىنىڭ مۇشەسى.

ەڭبەك جولىن 2012 -جىلى قازاقستان رەسپۋبليكاسى يندۋستريا جانە جاڭا تەحنولوگيالار مينيسترلىگى ونەركاسىپ كوميتەتىنىڭ ەكونوميسى قىزمەتىنەن باستاعان.

2012-2013 -جىلدارى - قازاقستان رەسپۋبليكاسى قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى اگەنتتىگىنىڭ ساراپشىسى.

2013-2019 -جىلدارى - قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى كوميتەتىنىڭ ساراپشىسى، باس ساراپشىسى، سونداي-اق سۋمەن جابدىقتاۋ جانە سۋ بۇرۋ باسقارماسىنىڭ باسشىسى قىزمەتتەرىن اتقارعان.

2019-2020 -جىلدارى - قازاقستان رەسپۋبليكاسى يندۋستريا جانە ينفراقۇرىلىمدىق دامۋ مينيسترلىگى قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى كوميتەتىنىڭ كوممۋنالدىق شارۋاشىلىق باسقارماسىنىڭ باسشىسى.

2020-2022 -جىلدارى - «تۇرعىن ءۇي-كوممۋنالدىق شارۋاشىلىعىن جاڭعىرتۋ جانە دامىتۋدىڭ قازاقستاندىق ورتالىعى» ا ق باسقارما ءتوراعاسىنىڭ ورىنباسارى.

2022-2023 -جىلدارى - «قاراعاندى وبلىسىنىڭ تابيعي رەسۋرستار جانە تابيعات پايدالانۋدى رەتتەۋ باسقارماسى» مەملەكەتتىك مەكەمەسىنىڭ باسشىسى.

2023-2024 -جىلدارى - «تۇرعىن ءۇي-كوممۋنالدىق شارۋاشىلىعىن جاڭعىرتۋ جانە دامىتۋدىڭ قازاقستاندىق ورتالىعى» اق باسقارۋشى ديرەكتورى، كەيىن باسقارما ءتوراعاسىنىڭ ورىنباسارى قىزمەتتەرىن اتقارعان.

2024 -جىلعى تامىزدان 2026 -جىلعى قازانعا دەيىن قازاقستان رەسپۋبليكاسى سۋ رەسۋرستارى جانە يرريگاتسيا مينيسترلىگى سۋ شارۋاشىلىعى كوميتەتى ءتوراعاسىنىڭ ورىنباسارى بولدى.

2026 -جىلعى قاراشادان باستاپ قازاقستان رەسپۋبليكاسى سۋ رەسۋرستارى جانە يرريگاتسيا مينيسترلىگى سۋ شارۋاشىلىعى كوميتەتىنىڭ ءتوراعاسى بولىپ تاعايىندالدى.

ەسكە سالايىق، بۇعان دەيىن ەرنار حاسەنوۆ مەملەكەتتىك ەنەرگەتيكالىق قاداعالاۋ كوميتەتىنىڭ ءتوراعاسى بولعانىن حابارلاعانبىز.