سۋ داۋى سوعىسقا ۇلاسۋى مۇمكىن: پاكىستان ءۇندىستانعا تالاپ قويدى

يسلاماباد. KAZINFORM - پاكىستان بيلىگى ءۇندىستان يندا وزەنىنىڭ اعىسىن توقتاتۋ نەمەسە باسقا جاققا بۇرۋعا تىرىسسا، بۇل ارەكەت سوعىس اكتىسى رەتىندە قابىلداناتىنىن مالىمدەدى. بۇل تۋرالى پاكىستاننىڭ پرەمەر-ءمينيسترى شاحباز شاريفتىڭ توراعالىعىمەن وتكەن ۇلتتىق قاۋىپسىزدىك كەڭەسىنىڭ وتىرىسىندا ايتىلدى، دەپ جازادى انادولى.

يسلاماباد ءۇندىستاننىڭ يندا سۋى تۋرالى كەلىسىمدى ءبىرجاقتى توقتاتۋىن سىنعا الدى. پاكىستان ەكى ەل اراسىندا 1960-جىلى جاسالعان بۇل كەلىسىمدى ايماقتىڭ بەيبىتشىلىگى ءۇشىن ماڭىزدى دەپ سانايدى جانە ءوز قۇقىعىن قورعايتىنىن جەتكىزدى.

- پاكىستانعا تيەسىلى سۋدى توقتاتۋ نەمەسە بۇرۋ - سوعىسقا تەڭ ارەكەت، - دەلىنگەن رەسمي مالىمدەمەدە.

سونىمەن قاتار پاكىستان 30-ساۋىردەن باستاپ يسلامابادتاعى ۇندىلىك ديپلوماتتار سانىن 30 اداممەن شەكتەمەك. ءۇندىستانعا تيەسىلى بارلىق ۇشاقتارعا اۋە كەڭىستىگىن جابادى. ەكى ەل اراسىنداعى ساۋدا دا تولىق توقتايدى. «ۆاگاح» شەكارا بەكەتى جابىلادى.

دجاممۋ مەن كاشميردەگى تەراكت

بۇعان دەيىن ءۇندىستاننىڭ دجاممۋ مەن كاشمير ايماعىندا تۋريستەرگە قارۋلى شابۋىل جاسالىپ، 26 ادام قازا تاپقانىن جازدىق.

كوپتەگەن ادام جارالاندى. شابۋىلدى «قارسىلىق مايدانى» اتتى توپ ءوز موينىنا الدى. بۇل توپ پاكىستاندا تىيىم سالىنعان «لاشكار-ي-تايبا» ۇيىمىنا قاتىسى بار. وسى وقيعادان كەيىن ءۇندىستان پاكىستانمەن سۋ تۋرالى كەلىسىمدى توقتاتىپ، نيۋ-دەليدەگى پاكىستاندىق كەڭەسشىلەردىڭ ەلدەن كەتۋىن تالاپ ەتتى. سونداي-اق پاكىستاندىقتارعا بەرىلگەن ۆيزالار دا جويىلدى.

ايتا كەتەيىك، اقوردا مەملەكەت باسشىسىنىڭ ءۇندىستاننىڭ پرەمەر-مينيسترىنە كوڭىل ايتقانىن حابارلادى.

ب ۇ ۇ باس حاتشىسى ءۇندىستانداعى قارۋلى شابۋىلدى قاتاڭ ايىپتادى.

ءۇندىستان باسقاراتىن كاشميردەگى تانىمال تۋريستىك ورتالىقتا قارۋلى ادامدار توبى 26 ادامدى ولتىرگەننەن كەيىن ءۇندىستان پاكىستانعا قارسى شارالاردى جاريالادى.

دجاممۋ مەن كاشمير پوليتسياسى پاحالگامدا شابۋىل جاساعانداردىڭ اتى-ءجونىن اشكەرەلەپ، ولار تۋرالى اقپارات بەرگەندەرگە سىيلىق جاريالادى.