سۋ باسقان قۇلسارىدان ءبىر ادامنىڭ مۇردەسى تابىلدى
اتىراۋ. KAZINFORM - تاسقىن سۋ باسقان قۇلسارىدا اكەسى مەن بالاسى جوعالىپ كەتكەن ەدى. بۇگىن اكەسىنىڭ مۇردەسى تابىلدى.
اتىراۋ وبلىستىق توتەنشە جاعدايلار دەپارتامەنتى قوعاممەن بايلانىس توبىنىڭ اقپاراتىنا سۇيەنسەك، 14-ساۋىردە تاڭعى ساعات 09:00 شاماسىندا تابىلعان.
«قۇلسارى قالاسىندا 6-ساۋىردە اكەسى مەن بالاسى بىرگە جوعالىپ كەتكەن ەدى. اكەسى 1976-جىلعى، ال بالا 2000-جىلى تۋعان. ولار رۇقسات ەتۋ قۇجاتىنسىز سۋ باسقان تۇرعىن ءۇيىن قاراۋ ءۇشىن بارعان. الايدا، ولار ەۆاكۋاتسيالىق پۋنكتكە كەرى ورالماعان. سول كۇننەن بەرى جوعالىپ كەتكەن اكەسى مەن بالاسى ىزدەستىرىلدى»، - دەپ حابارلادى دەپارتامەنتتىڭ قوعاممەن بايلانىس توبى.
ىزدەستىرۋ جۇمىستارىنا 40 قىزمەتكەر، 6 ءجۇزۋ قۇرالى، 1 بىرلىك تەحنيكا جۇمىلدىرىلدى.
ەسكە سالا كەتەلىك، بۇدان بۇرىن قۇلسارىدا سۋ تاسقىنى كەزىندە ەكى ادام جوعالىپ كەتكەنى حابارلانعان ەدى.
