سۋ باسقان ءۇش وڭىردە ءسىبىر جاراسى كومىندىلەرى زەرتتەلدى

 استانا. KAZINFORM - اۋىل شارۋاشىلىعى مينيسترلىگى ۆەتەريناريالىق باقىلاۋ جانە قاداعالاۋ كوميتەتىنىڭ باس ساراپشىسى ەرلان تاسبولاتوۆ ءسىبىر جاراسى كومىندىلەرىن زەرتتەۋ جۇمىسى تۋرالى ايتىپ بەردى.

«ەلىمىزدىڭ سۋ باسقان 3 وبلىسىندا ءسىبىر جاراسى كومىلگەن 10 ورىن بار. بارلىق ۋچاسكەدەن توپىراق سىنامالارىن الۋ ءۇشىن ۆەتەريناريا جانە مەديتسينا ماماندارىنان تۇراتىن ارنايى جۇمىس توپتارى جىبەرىلدى. ءاربىر سىناما بويىنشا رەسپۋبليكالىق ۆەتەريناريالىق زەرتحانادا جانە ۇلتتىق ۆەتەريناريالىق رەفەرەنتتىك ورتالىقتا پ ت ر جانە باكتەريولوگيالىق زەرتتەۋلەر جۇرگىزىلدى»، - دەدى ەرلان تاسبولاتوۆ و ك ق- دە وتكەن بريفينگىدە.

ساراپشىنىڭ مالىمدەۋىنشە، زەرتحانالىق ساراپتاما قورىتىندىسى بويىنشا ءسىبىر جاراسىنىڭ بولۋى انىقتالمادى.

«جەر بەتىنە ءسىبىر جاراسىنىڭ سپورالارىنىڭ شىعۋى بولعان جوق، ەپيزووتيالىق جاعداي تۇراقتى. سونداي- اق، بارلىق وڭىرلەردە ءسىبىر جاراسى، قاراسان، اۋسىل جانە باسقا دا اسا قاۋىپتى اۋرۋلارعا قارسى جوسپارلى ەگۋ جۇمىستارى بەلسەندى جۇرگىزىلىپ جاتىر»- دەيدى مامان.

ەلىمىزدە سۋ تاسقىنى سالدارىنان 6,8 مىڭ باس مال قىرىلعانى بەلگىلى بولدى. رەسپۋبليكالىق شتاب قىرىلعان مالداردىڭ قۇنىن وتەۋ الگوريتمىن بەكىتتى.