پرەزيدەنت جولداۋى قۇرىلىس سالاسى مەن كاسىپكەرلىكتىڭ دامۋىنا جاڭا مۇمكىندىك اشادى - كاسىپكەر

بۇل باستامالار وتاندىق بيزنەستىڭ دامۋىنا تىڭ سەرپىن بەرىپ، كاسىپكەرلەرگە جاڭا جوبالاردى جۇزەگە اسىرۋعا مۇمكىندىك اشادى. بۇل تۋرالى استانا قالاسىنىڭ كاسىپكەرى، مەتسەنات ءارى قوعام بەلسەندىسى حاتام شاۆحيەۆ ايتتى.

ونىڭ پىكىرىنشە، شاعىن جانە ورتا بيزنەستى قولداۋعا باعىتتالعان ۇسىنىستار، اسىرەسە، قۇرىلىس سالاسىندا جۇمىس ىستەيتىن كاسىپكەرلەر ءۇشىن ماڭىزدى. سونىڭ ىشىندە 2027-جىلعى 1-قاڭتاردان باستاپ ميكرو جانە شاعىن بيزنەسكە قاتىستى ءۇش جىلدىق موراتوري ەنگىزۋ مۇمكىندىگىن قاراستىرۋ باستاماسى كاسىپكەرلەرگە تۇسەتىن اكىمشىلىك جۇكتەمەنى ازايتۋعا ىقپال ەتۋى مۇمكىن.

- مۇنداي باستاما جۇزەگە اسسا، كاسىپكەرلەر ءوز جۇمىسىن تۇراقتى جۇرگىزىپ، وندىرىستىك الەۋەتىن ارتتىرۋعا جانە جاڭا جوبالاردى ىسكە اسىرۋعا كوبىرەك مۇمكىندىك الادى. بيزنەسكە قولايلى جاعداي جاساۋ - كاسىپكەرلىكتىڭ دامۋىنا تىكەلەي اسەر ەتەتىن ماڭىزدى فاكتور، - دەدى حاتام شاۆحيەۆ.

كاسىپكەر مەملەكەتتىك ورگاندار مەن كۆازيمەملەكەتتىك سەكتوردىڭ ساتىپ الۋلارىنا شاعىن جانە ورتا بيزنەستىڭ قاتىسۋ مۇمكىندىگىن كەڭەيتۋ، جەتكىزۋشىلەرگە قويىلاتىن تالاپتاردى جەڭىلدەتۋ جونىندەگى ۇسىنىستاردىڭ دا ماڭىزى زور ەكەنىن اتاپ ءوتتى. ونىڭ ايتۋىنشا، كاسىپكەرلەر ءۇشىن تۇسىنىكتى ءارى تۇراقتى ەرەجەلەر قالىپتاستىرۋ وتاندىق كومپانيالاردىڭ باسەكەگە قابىلەتتىلىگىن ارتتىرۋعا جول اشادى.

سونداي-اق قۇرىلىس سالاسىنىڭ ەل ەكونوميكاسىنداعى ورنىنا توقتالعان ول بۇل باعىتتاعى باستى مىندەت تەك جاڭا نىساندار تۇرعىزۋمەن شەكتەلمەيتىنىن جەتكىزدى. ساپالى ءارى قاۋىپسىز تۇرعىن ءۇي سالۋ، الەۋمەتتىك ينفراقۇرىلىمدى دامىتۋ، جەرگىلىكتى مامانداردى جۇمىسپەن قامتۋ جانە وتاندىق قۇرىلىس ماتەريالدارىن كەڭىنەن پايدالانۋ دا سالانىڭ ماڭىزدى باسىمدىقتارى سانالادى.

- قۇرىلىس - ەل ەكونوميكاسىنىڭ ماڭىزدى سالالارىنىڭ ءبىرى. ءبىزدىڭ باستى مىندەتىمىز - ساپالى ءارى قاۋىپسىز نىساندار سالۋ، تۇرعىن ءۇي مەن الەۋمەتتىك ينفراقۇرىلىمدى دامىتۋ، جەرگىلىكتى مامانداردى جۇمىسپەن قامتۋ جانە وتاندىق قۇرىلىس ماتەريالدارىن پايدالانۋدى كەڭەيتۋ، - دەدى ول.

كاسىپكەردىڭ پايىمىنشا، مەملەكەت پەن بيزنەس اراسىنداعى ءوزارا سەنىمگە نەگىزدەلگەن ارىپتەستىك نىعايعان سايىن ەكونوميكانىڭ دامۋىنا دا جاڭا مۇمكىندىكتەر اشىلادى. ال كاسىپكەرلەرگە قولايلى ورتا قالىپتاستىرۋ - جاڭا جۇمىس ورىندارىن قۇرۋمەن قاتار، ەلدىڭ الەۋمەتتىك-ەكونوميكالىق تۇراقتىلىعىنا دا ىقپال ەتەتىن ماڭىزدى قادام.

حاتام شاۆحيەۆ وتاندىق كاسىپكەرلەردىڭ ەل ەكونوميكاسىن دامىتۋعا، بيزنەستى نىعايتۋعا جانە حالىق يگىلىگى ءۇشىن ساپالى قۇرىلىس نىساندارىن سالۋعا ۇلەس قوسۋعا دايىن ەكەنىن جەتكىزدى.

ەستەرىڭىزگە سالا كەتەيىك، 28-قازاندا مەملەكەت باسشىسى قازاقستان حالقىنا جىل سايىنعى جولداۋىن جاريالادى.