21:59, 20 - قاراشا 2024 | GMT +6
پرەزيدەنتتى ولتىرۋگە وقتالعاندار ۇستالدى
استانا. KAZINFORM - برازيليانىڭ پرەزيدەنتىن ولتىرۋگە وقتالعان كۇدىكتىلەر ۇستالدى، دەپ حابارلايدى Bugin.kz پورتالى.
قاسكويلەر ەل پرەزيدەنتى لۋيس يناسيو لۋلا دا سيلۆا مەن ۆيتسە-پرەزيدەنتكە 2022-جىلى قاستاندىق جاساماق بولعان. تەرگەۋ مالىمەتتەرى بويىنشا، كۇدىكتىلەر مەملەكەتتىك توڭكەرىس جاساۋدى جوسپارلاعان. ەندى كۇدىكتىلەر 2024-جىلى دا وسى ارەكەتكە باردى.
ريو-دە-جانەيرودا اسكەريلەر G20 باسشىلارى سامميتىنىڭ قاۋىپسىزدىگىن قامتاماسىز ەتۋگە قاتىسقان جەردە ۇستالعان.
«فەدەرالدىق پوليتسيا سەيسەنبىدە قىلمىسكەرلەرگە قارسى وپەراتسيانى باستادى. ولار پرەزيدەنت لۋيس يناسيو لۋلا دا سيلۆانىڭ يناۋگۋراتسياسىنا جول بەرمەۋ جانە سوت جۇيەسىنىڭ قىزمەتىن شەكتەۋ ءۇشىن مەملەكەتتىك توڭكەرىس جاساۋدى جوسپارلاعان»، - دەلىنگەن جازبادا.
