پرەزيدەنتتىڭ تاپسىرماسىمەن 5 جاس عالىم پاتەرلى بولدى
استانا. KAZINFORM - ءال-فارابي اتىنداعى قازاق ۇلتتىق ۋنيۆەرسيتەتىنىڭ 5 جاس عالىمىنا ق ر پرەزيدەنتى قاسىم-جومارت توقايەۆتىڭ اتىنان پاتەر كىلتى تابىس ەتىلدى.
عىلىم جانە جوعارى ءبىلىم مينيسترلىگىنىڭ مالىمەتىنشە، قاز ۇ ۋ-دىڭ 90 جىلدىعىنا ارنالعان شارادا جاس زەرتتەۋشىلەرگە پاتەر سەرتيفيكاتىن ق ر مەملەكەتتىك كەڭەسشىسى ەرلان قارين سالتاناتتى تۇردە تابىستادى.
جاڭا پاتەردىڭ يەسى اتانعان جاس عالىمنىڭ ءبىرى - ءال-فارابي اتىنداعى قاز ۇ ۋ-دىڭ مولەكۋلالىق بيولوگيا جانە گەنەتيكا كافەدراسىنىڭ عىلىمي قىزمەتكەرى ايگەرىم قۋانباي بولدى.
سونىمەن قاتار، مەملەكەت باسشىسىنىڭ تاپسىرماسىمەن ءال- فارابي اتىنداعى قازاق ۇلتتىق ۋنيۆەرسيتەتىنىڭ جاس عالىمى، عىلىمي- يننوۆاتسيالىق قىزمەت جانە حالىقارالىق بايلانىس كافەدراسى مەڭگەرۋشىسىنىڭ ورىنباسارى نۇرگۇل امانگەلدى 2 بولمەلى جاڭا پاتەردىڭ يەسى اتاندى. بۇگىندە جاس زەرتتەۋشى بيداي داقىلدارىنىڭ پوتوگەنتتەرىن انىقتاۋ باعىتىندا عىلىمي جۇمىستارمەن اينالىسادى.
بۇدان بولەك، ءال- فارابي اتىنداعى قازاق ۇلتتىق ۋنيۆەرسيتەتىنىڭ اعا عىلىمي قىزمەتكەرى اجار مالىك جاڭا پاتەردىڭ يەسى اتاندى. اتالعان باسپانا جاس زەرتتەۋشىگە مەملەكەت باسشىسىنىڭ جاس عالىمداردى قولداۋ تاپسىرماسى اياسىندا بەرىلدى.
ءال-فارابي اتىنداعى قازاق ۇلتتىق ۋنيۆەرسيتەتىنىڭ اعا وقىتۋشىسى، جاس عالىم ولجاس قۇرمانبايەۆقا پاتەر سەرتيفيكاتى تابىستالدى. ق ر پرەزيدەنتىنىڭ قولداۋىمەن جاس عالىمعا بەرىلگەن سۋ جاڭا پاتەر 3 بولمەدەن تۇرادى.
ال جاس عالىم، ءال-فارابي اتىنداعى قازاق ۇلتتىق ۋنيۆەرسيتەتىنىڭ اعا وقىتۋشىسى جانار رايىمبەكوۆا باسپانالى بولدى. قاسىم-جومارت توقايەۆتىڭ تاپسىرماسىمەن جاس زەرتتەۋشىگە 2 بولمەلى پاتەردىڭ كىلتى تابىستالدى.
ەسكە سالساق، تاۋەلسىزدىك كۇنى قارساڭىندا 500-دەن اسا تۇركىستاندىق باسپانالى بولعانىن جازعان ەدىك.
