پرەزيدەنتتىڭ بۇرىنعى وققاعارى تۇركيانىڭ بەس جۇلدىزدى قوناق ۇيىندە ءولى تابىلدى

ءازىربايجان پرەزيدەنتى يلحام اليەۆتىڭ بۇرىنعى وققاعارى ماحير مامەدوۆ تۇركيانىڭ باتىسىنداعى بەس جۇلدىزدى قوناق ۇيدە ءولى كۇيىندە تابىلدى، دەپ حابارلايدى Skifnews.kz اقپارات پورتالى.

Türkiye باسىلىمىنىڭ مالىمەتىنە سۇيەنسەك، قايعىلى وقيعا ايدىن قالاسىنىڭ كۋشاداسى كۋرورتتىق اۋدانىندا بولعان.

«ايدىن قالاسىنىڭ كۋشاداسى اۋدانىندا ءوزىنىڭ قوناق ءۇي بولمەسىندە 50 جاستاعى ماحير مامەدوۆ ءولى كۇيىندە تابىلدى. ول كەزىندە ءازىربايجان پرەزيدەنتى يلحام اليەۆتىڭ جەكە وققاعارى بولىپ جۇمىس ىستەگەن. مامەدوۆتىڭ ءولىمىنىڭ ناقتى سەبەبى اۋتوپسيادان كەيىن بەلگىلى بولماق»، - دەپ جازدى باسىلىم.

ەر ادام كۋشاداسقا ءۇش كۇن بۇرىن جۇبايى كەمالي مامەدوۆامەن جانە ۇلىمەن دەمالۋعا كەلگەنى بەلگىلى بولدى.

تۇركيا باسىلىمىنىڭ جازۋىنشا، سەيسەنبىدە تاڭعى استان كەيىن مامەدوۆ پەن ونىڭ وتباسى دەمالۋ ءۇشىن بولمەگە بارعانىن ايتتى. ال ءبىراز ۋاقىتتان سوڭ ونىڭ ايەلى مەن ۇلى سەرۋەندەپ، قايتىپ ورالعاندا مامەدوۆتى ەدەندە قوزعالماي جاتقان كۇيىندە تاپقان.

«حابارلامانى العاننان كەيىن قوناق ۇيگە جەدەل مەديتسينالىق كومەك پەن پوليتسيا بريگادالارى جىبەرىلدى. مەديتسينالىق توپ جۇرگىزگەن باقىلاۋ كەزىندە مامەدوۆتىڭ قايتىس بولعانى انىقتالدى»، - دەلىنگەن حابارلامادا.