12:25, 14 - ناۋرىز 2024 | GMT +5
پرەزيدەنتتىڭ 3 تازىسى بار، ونىڭ ءبىرى - ناۋرىز
استانا. KAZINFORM - بۇگىندە پرەزيدەنت قاسىم-جومارت توقايەۆتىڭ ءۇش اسىل تۇقىمدى تازىسى بار.
ونىڭ ءبىرى - قىزعىلت-سارى ءتۇستى ناۋرىز اتتى كۇشىك. بۇل تازىنى بىلتىر مەملەكەت باسشىسىنا ءيت اسىراۋشى اننا زاحاروۆا سىيعا تارتقان بولاتىن. قازىر ناۋرىز 1 جاس 4 ايعا تولدى.
قالعان ەكەۋى - 4 جاسار، اقشىل-سارى ءتۇستى رونني دەگەن ارلان تازى مەن 5 جاسار اقشىل ءتۇستى نەنسي.
يتتەر قورشالعان اۋماقتا، جىلى ۇيشىكتە كۇتىپ-باپتالادى. ارنايى سەرتيفيكاتى بار كينولوگ مامان ولاردى ۇيرەتىپ، ساياتشىلىققا باۋليدى.
قاسىم-جومارت توقايەۆ بوس ۋاقىتىندا تازىلارىمەن سەرۋەندەگەندى ۇناتادى.
