پرەزيدەنتكە جامبىل وبلىسىنداعى جەر سىلكىنىسىنەن كەيىنگى احۋال باياندالدى

استانا. KAZINFORM - پرەزيدەنت قاسىم-جومارت توقايەۆ جامبىل وبلىسىنىڭ اكىمى ەربول قاراشوكەيەۆ پەن توتەنشە جاعدايلار ءمينيسترى شىڭعىس ءارىنوۆتىڭ وڭىردەگى جەر سىلكىنىسىنەن كەيىنگى احۋال بويىنشا باياندامالارىن تىڭدادى.

اقوردانىڭ باسپا ءسوز قىزمەتىنىڭ اقپاراتىنا سايكەس مەملەكەت باسشىسى پرەمەر-مينيستر ولجاس بەكتەنوۆكە الەۋمەتتىك نىساندار مەن تۇرعىن ۇيلەردى قالپىنا كەلتىرۋ جانە جوندەۋ جۇمىستارىن جۇرگىزۋ ءۇشىن قاجەتتى كومەك كورسەتۋدى تاپسىردى. ۇكىمەت وبلىستاعى احۋالدى باقىلاۋعا الدى.

ەسكە سالساق، بۇگىن ساعات 16:00 شاماسىندا جامبىل وبلىسىندا تاعى دا جەر سىلكىندى.

بۇعان دەيىن وڭىردە العاشقى جەر سىلكىنىسى 03:42 دە تىركەلگەنى بەلگىلى بولدى. ەسەپتەلگەن قارقىندىلىعى مەركى اۋىلىندا - 5.0 بال، قۇلان اۋىلىندا - 4.0 بال، شۋ تابيعي اپات سالدارىنان تۇرار رىسقۇلوۆ اۋدانى قاراقىستاق اۋىلىنداعى مادەنيەت ءۇيى، مەركى اۋداندىق اۋرۋحاناسى، ويتال اۋىلىنداعى مەكتەپ عيماراتىنىڭ قابىرعاسىندا جارىقشاق پايدا بولعانى انىقتالدى.

بۇدان بولەك، ۇكىمەتتىك جۇمىس توبى جاعدايدى ساراپتاپ، باعالاۋ جانە شارا قولدانۋ ءۇشىن جامبىل وبلىسىنا جىبەرىلدى.