پرەزيدەنتكە 2 رەت قاستاندىق جاساماق بولعانداردىڭ جولى كەسىلدى

استانا. KAZINFORM - قىرعىزستان پرەزيدەنتى سادىر جاپاروۆقا 2 رەت، ۇلتتىق قاۋىپسىزدىك مەملەكەتتىك كوميتەتىنىڭ ءتوراعاسى قامشىبەك تاشيەۆكە 5-6 رەت قاستاندىق جاساماق بولعانداردىڭ جولى كەسىلدى.

بۇل تۋرالى قامشىبەك تاشيەۆ ءمالىم ەتتى، دەپ حابارلايدى Kazinform كابار اگەنتتىگىنە سىلتەمە جاساپ.

قامشىبەك تاشيەۆتىڭ ايتۋىنشا، ول كولىكپەن ءجۇرىپ وتەتىن جولدى جارىپ جىبەرمەك بولعان. ۇلتتىق قاۋىپسىزدىك مەملەكەتتىك كوميتەتىنە حات تا كەلگەن. وندا كوميتەت ءتوراعاسى مەن ونىڭ وتباسىن قورقىتۋ ماقساتىنداعى ءماتىن جازىلعان.

تاشيەۆ سول ماتىننەن شەتەلدىك بارلاۋ قىزمەتتەرى مەن كەيبىر وليگارحتاردىڭ قولتاڭباسىن تانىعانىن جەتكىزدى.

«سەندەر ماعان ۇسىنعان ميلليونداردى العان جوقپىن. سەندەردى ءبىزدىڭ ەلدە كريميناليتەت تە، وليگارحتار دا بولمايتىنى اشۋلاندىردى. ەگەر مەنىڭ كوزىمدى جويساڭدار، ءبارى وزدەرىڭە قايتىپ كەلەدى. بالكىم، ماعان زالالدارىڭدى تيگىزەتىن دە شىعارسىڭدار. ءبىراق كەۋدەمدە جانىم تۇرعاندا وسى باستاعان جولىمنان قايتپايمىن»، - دەدى قامشىبەك تاشيەۆ.

وسىعان دەيىن قىرعىزستاندا مەكتەپتە زاڭسىز اقشا جيناعاندارعا ايىپپۇل سالىناتىنى تۋرالى حابارلادىق.