19:13, 09 - شىلدە 2024 | GMT +6
پرەزيدەنت تۇرىكمەنستانعا ەلشى بولىپ تاعايىندالعان نۇرلان نوعايەۆتى قابىلدادى
استانا. KAZINFORM - مەملەكەت باسشىسى قازاقستاننىڭ تۇرىكمەنستانداعى جاڭادان تاعايىندالعان ەلشىسى نۇرلان نوعايەۆتى قابىلدادى، دەپ حابارلايدى اقوردانىڭ باسپا ءسوز قوىزمەتى.
كەزدەسۋ بارىسىندا قاسىم-جومارت توقايەۆ باۋىرلاس تۇرىكمەنستانمەن دوستىق، تاتۋ كورشىلىك جانە ستراتەگيالىق سەرىكتەستىك بايلانىستارىن ودان ءارى نىعايتۋدىڭ ماڭىزدىلىعىن اتاپ ءوتتى.
پرەزيدەنت ەكىجاقتى ىقپالداستىقتى، ونىڭ ىشىندە ەنەرگەتيكا، كولىك-ترانزيت، ساۋدا جانە مادەني-گۋمانيتارلىق سالالارداعى ىنتىماقتاستىقتى دامىتۋ جونىندە نۇرلان نوعايەۆقا ءبىرقاتار مىندەت جۇكتەدى. مەملەكەت باسشىسى الداعى ۋاقىتتا وتەتىن جوعارى دەڭگەيدەگى كەلىسسوزدەردىڭ مازمۇندى ءارى ساپالى بولۋىنا باسا نازار اۋدارۋدى تاپسىردى.