پرەزيدەنت تروتۋار جابىندىسىن جانە اۆتوكلاۆتى گاز بلوكتارىن شىعاراتىن زاۋىتقا باردى
استانا. KAZINFORM - پرەزيدەنت قۇرىلىس يندۋسترياسى نىساندارىمەن تانىستى. بۇل تۋرالى اقوردانىڭ باسپا ءسوز قىزمەتى حابارلادى.
Asyl Qala، بۇل – 100 دەن استام ادام ەڭبەك ەتەتىن ارناۋلى كاسىپورىن. جوباعا قۇيىلعان ينۆەستيتسيا كولەمى 8 ميلليارد تەڭگە. كاسىپورىننىڭ قۋاتى تاۋلىگىنە 4500 شارشى مەتر تروتۋار جابىندىسىن وندىرۋگە جەتەدى. قۇرىلىستىڭ ەكىنشى كەزەڭى اياقتالعان سوڭ بۇل كورسەتكىش 9000 شارشى مەترگە دەيىن ۇلعايادى.
بۇگىندە اتالعان كاسىپورىندا شىعارىلعان ونىمدەر استانا جانە ەلىمىزدىڭ باسقا دا قالالارىندا پايدالانىلادى.
بۇدان كەيىن مەملەكەت باسشىسى اۆتوكلاۆتى گاز بلوكتارىن شىعاراتىن Uniton زاۋىتىمەن تانىستى. Sensata Group قۇرىلىس كومپانياسىنا قاراستى كاسىپورىن جىلىنا 150 مىڭ شارشى مەتر گاز بلوكتارىن وندىرە الادى. جوبا «دامۋ» قورى جانە ونەركاسىپتى دامىتۋ قورى ارقىلى قارجىلاندىرىلعان. 110 ادامدى تۇراقتى جۇمىسپەن قامتىپ وتىر.
قاسىم-جومارت توقايەۆ قۇرىلىس يندۋسترياسى ەكونوميكانىڭ ماڭىزدى باعىتى ەكەنىن اتاپ ءوتىپ، جەرگىلىكتى ءونىم كولەمىن ارتتىرۋ قاجەتتىگىن ايتتى.
ايتا كەتەيىك، مەملەكەت باسشىسى استانا قالاسىنىڭ 1-يندۋستريالىق پاركىندەگى ەلەكتروۆوز قۇراستىرۋ زاۋىتىن ارالاپ كوردى.
