پرەزيدەنت تەلەراديوكەشەنىنە 28 جىل تولدى
استانا. قازاقپارات - 1996 -جىلى 29 - جەلتوقساندا قازاقستان رەسپۋبليكاسى پرەزيدەنتىنىڭ تەلەراديوكەشەنى قۇرىلدى.
پرەزيدەنت تەلەراديوكەشەنى - قازاقستانداعى ەڭ ءىرى مەديا- كومپانيالاردىڭ ءبىرى، ونىڭ قۇرامىنا: Jibek Joly ،Silk Way ،Silk Way Cinema تەلەارنالارى، قازاقستانداعى ەڭ ۇلكەن Kazinform حالىقارالىق اقپارات اگەنتتىگى جانە دەرەكتى فيلمدەر ورتالىعى كىرەدى.
تەلەراديوكەشەنى ۇجىمى جۇمىسىنىڭ العاشقى كۇنىنەن باستاپ مەملەكەت باسشىسىنىڭ قىزمەتىن اۋقىمدى اقپاراتتىق قامتاماسىز ەتۋ، رەفورمالاردىڭ جۇزەگە اسىرىلۋ بارىسى، پرەزيدەنتتىڭ باستامالارى مەن تاپسىرمالارى تۋرالى قوعامدىق- ساياسي كونتەنت دايىنداۋعا كىرىستى.
مەملەكەت باسشىسىنىڭ قىزمەتىنە قاتىستى اقپاراتتى جالعىز جەتكىزۋشى بولا وتىرىپ، پترك ءوز ونىمدەرىنىڭ جەلىسىن ۇنەمى كەڭەيتىپ وتىرادى. ولاردىڭ قاتارىندا دەرەكتى فيلمدەر، قىسقامەتراجدى فيلمدەر، بەينەروليكتەر، سونداي-اق قوعامدىق-ساياسي ماڭىزى بار باعدارلامالار بار.
ماسەلەن، مەملەكەت باسشىسىنىڭ وڭىرلەردى قالپىنا كەلتىرۋ جانە بيىلعى كوكتەمدە بولعان اۋقىمدى سۋ تاسقىنىنان زارداپ شەككەن تۇرعىندارعا كەلتىرىلگەن شىعىننىڭ ورنىن تولتىرۋ جونىندەگى تاپسىرماسىنىڭ ورىندالۋ بارىسى تۋرالى «سەرت» دەرەكتى فيلمى ءتۇسىرىلدى. فيلمدى قازاقستان رەسپۋبليكاسى پرەزيدەنتىنىڭ تەلەراديو كەشەنىنىڭ YouTube كانالىنان كورۋگە بولادى.
سونىمەن قاتار، قىركۇيەك ايىندا ترك ءموبيلدى فورماتتا تۇسىرىلگەن قازاقستانداعى تۇڭعىش دەرەكتى فيلم - «پالۋان قىز: زارينا ساريپوۆانىڭ جەڭىس جولى» فيلمىنىڭ تۇساۋكەسەرى بولدى.
ت ر ك - تاۋەلسىزدىگىمىزدىڭ دامۋ تاريحىنىڭ شەجىرەسى - بىرەگەي بەينەمۇراعاتتىڭ اۆتورلىق قۇقىق يەسى.
سوڭعى بىرنەشە جىلدا تەلەراديوكەشەنى قازاقستاندىق جانە شەتەلدىك اۋديتورياعا كونتەنتتى ءوندىرۋ مەن جەتكىزۋدىڭ تولىق سيكلى بار تىگىنەن بىرىكتىرىلگەن تەلەراديو كومپانياعا اينالدى.
سونىمەن قاتار، پترك وزىق حالىقارالىق تاجىريبەنى پايدالانا وتىرىپ، ترانسفورماتسيا باعدارلاماسىنا ىقشام رەداكسيا نەگىزىندە كونۆەرگەنتتى جۋرناليستيكا قاعيداتتارىن ەنگىزۋ جوباسىن ەنگىزدى، مۇندا جۋرناليستەر رەداكتورلار، موبيلوگرافتار جانە بەينەرەداكتورلار داعدىلارىنا يە كوپ تاپسىرمالى كاسىپقويعا اينالادى.
