پرەزيدەنت تەلەراديوكەشەنى ۇجىمى بوتانيكالىق باقتا 50 ءتۇپ قاراعاي كوشەتىن وتىرعىزدى

Аллею из сосен высадили сотрудники ТРК Президента
Фото: Виктор Федюнин / Kazinform

 استانا. KAZINFORM – ق ر پرەزيدەنتىنىڭ تەلەراديوكەشەنى ۇجىمى «تازا قازاقستان» ەكولوگيالىق اكسياسى اياسىندا بوتانيكالىق باقتا 50 ءتۇپ قاراعاي كوشەتىن وتىرعىزدى.

وسىلايشا، ىرگەلى مەديا ۇجىمنىڭ 150 قىزمەتكەرى بيولوگيالىق ارتۇرلىلىكتى ساقتاۋدا جانە وسىمدىكتەر توپتامالارىن وسىرۋدە ماڭىزدى ءرول اتقاراتىن بوتانيكالىق باقتى اباتتاندىرۋعا بەلسەندى اتسالىستى.

ايتا كەتۋ كەرەك، باقتىڭ جالپى اۋدانى 89,1 گەكتاردى قۇرايدى. ونىڭ 46,3 گەكتارى - ەرەكشە قورعالاتىن تابيعي اۋماق، ال 42,8 گەكتارى - ساياباق ايماعى.

مەملەكەت باسشىسىنىڭ تاپسىرماسىمەن رەسپۋبليكا بويىنشا «تازا قازاقستان» ەكولوگيالىق اكتسياسى جالعاسىپ جاتقانى بەلگىلى. ناۋقان بەس اپتاعا سوزىلادى. ءار اپتانىڭ وزىندىك اتاۋى مەن ناقتى ماقساتى بار.

العاشقى اپتا «تازا ولكە» دەپ اتالدى. ەل تۇرعىندارى، قوعام بەلسەندىلەرى، ۇيىمدار مەن كاسىپورىنداردىڭ قىزمەتكەرلەرى ىرگەلەس اۋماقتار مەن وزدەرىنە بەكىتىلگەن اۋلالاردى قوقىستان تازارتتى. «كيەلى مەكەن» اپتالىعىندا تاريحي- مادەني ەسكەرتكىشتەر، ساياباقتار اۋماعى اباتتاندىرىلدى.

Аллею из сосен высадили сотрудники ТРК Президента
Фото: Виктор Федюнин / Kazinform

ال، «جاسىل ايماق» اپتالىعىندا اعاش كوشەتتەرىن وتىرعىزۋ، تالداردى اكتەۋ جۇمىستارى جالعاسۋدا. بۇل يگى ىسكە بەلسەندى اتسالىسقان ق ر پرەزيدەنتىنىڭ تەلەراديوكەشەنى ۇجىمى ەكولوگيالىق اكتسيالارعا بەي- جاي قارامايتىنىن اڭعارتتى.

«ق ر پرەزيدەنتى تەلەراديوكەشەنىنىڭ ۇجىمى كەز كەلگەن اكسياعا بەلسەندى قاتىسىپ، يگى ىستەردەن قالىس قالعان ەمەس. «اتادان مال قالعانشا، تال قالسىن» دەمەكشى، «تازا قازاقستان» ەكولوگيالىق اكسياسى شەڭبەرىندە ۇجىم قىزمەتكەرلەرى قاراعاي كوشەتىن وتىرعىزدى. بۇل باعىتتاعى جۇمىستار الداعى ۋاقىتتا دا جالعاسىن تابادى. ەل پرەزيدەنتى قاسىم- جومارت توقايەۆتىڭ تاپسىرماسىمەن جالعاسىپ جاتقان ەكولوگيالىق اكتسيانىڭ ماڭىزى زور»، - دەدى قازاقستان رەسپۋبليكاسى پرەزيدەنتى تەلەراديوكەشەنىنىڭ ديرەكتورىنىڭ ورىنباسارى تىلەگەن ابىشيەۆ.

Аллею из сосен высадили сотрудники ТРК Президента
Фото: Виктор Федюнин / Kazinform

ىرگەلى ۇجىمنىڭ قىزمەتكەرلەرى باس قالانى جاسىلداندىرۋ ىسىنە بەلسەندى اتسالىسۋعا دايىن ەكەنىن جەتكىزدى.

پرەزيدەنتتىڭ تەلەراديوكەشەنى - قازاقستاننىڭ ەڭ ءىرى مەديا- كومپانيالاردىڭ ءبىرى. ونىڭ قۇرامىنا: Jibek Joly, Silk Way، Silk Way Cinema تەلەارنالارى، Kazinform حالىقارالىق اقپاراتتىق اگەنتتىگى جانە دەرەكتى كينو ورتالىعى كىرەدى.

 

ەستەرىڭىزگە سالساق، بۇعان دەيىن قازاقستان رەسپۋبليكاسى پرەزيدەنتىنىڭ تەلەراديوكەشەنى ۇجىمى «تازا قازاقستان» ەكولوگيالىق اكتسياسى اياسىندا «ءابۋ- دابي پلازا» مەن بوتانيكالىق باق اراسىنداعى 14 گەكتارعا سوزىلعان ساياباقتىڭ اۋماعىن تازالاعان بولاتىن.

سوڭعى جاڭالىقتار