پرەزيدەنت تەلەراديوكەشەنى جاڭا ماۋسىمىن اشتى - Kazinform, Jibek Joly قانداي جوبالار ۇسىنادى

ق ر پرەزيدەنتى تەلەراديوكەشەنى ەلوردادا جاڭا اقپاراتتىق ماۋسىمىنىڭ تۇساۋكەسەرىن وتكىزدى.

«Открываем новое» - ТРК Президента РК представил новый сезон своих проектов
Фото:

ونىڭ قۇرامىندا Kazinform حالىقارالىق اقپارات اگەنتتىگى، دەرەكتى كينو ورتالىعى جانە Jibek Joly, Silk Way, Silk Way Cinema تەلەارنالارى بار. وسى ورايدا Kazinform اگەنتتىگى جاڭا ماۋسىمدا پرەزيدەنت تەلەراديوكەشەنىنىڭ مەديارەسۋرستارى قانداي قىزىقتى جوبالار ۇسىناتىنىنا شولۋ جاسادى.

تۇساۋكەسەرگە پرەزيدەنتتىڭ ىشكى ساياسات جانە كوممۋنيكاتسيالار ماسەلەلەرى جونىندەگى كەڭەسشىسى رۋسلان جەلدىباي جانە مادەنيەت جانە اقپارات ءمينيسترى ايدا بالايەۆا، وتاندىق ب ا ق باسشىلارى، مەديايندۋستريا مەن ەسترادا جۇلدىزدارى، پارلامەنت دەپۋتاتتارى، كەلدى.

«ادامزات تاريحىندا قارقىندى دامىپ، كۇن سايىن وزگەرىپ وتىرعان ەكى سالا بولسا، ونىڭ ءبىرى — اقپارات پەن مەديا. وسىدان 30 جىل بۇرىن ەلىمىزدە ەكى تەلەارنا، 10-15 شاقتى گازەت- جۋرنال بولسا، بۇگىندە ب ا ق سانى بەس مىڭنان استى. دەمەك بارلىق بۇقارالىق اقپارات قۇرالدارى ۇلكەن باسەكەلەستىك جاعدايدا جۇمىس ىستەپ، وزدەرىنىڭ وقىرماندارى مەن كورەرمەندەرى ءۇشىن اتسالىسىپ جۇرگەنى ءسوزسىز. سونىڭ ىشىندە وتكەن جىلى رەبرەندينگ جاساپ، كورەرمەندەردىڭ كوزايىمى بولعان Jibek joly ارناسى — ۇلكەن ۇجىمنىڭ تاۋلىك بويى ۇزدىكسىز جۇمىس ىستەۋىنىڭ ناتيجەسى. جاڭا ماۋسىم تەلەكورەرمەندەردىڭ كوبەيۋىنە ىقپال ەتەرى ءسوزسىز. تۇتاس ۇجىمعا شىعارماشىلىق تابىس تىلەيمىن، دەندەرىڭىز ساۋ، وتباسىلارىڭىز امان بولسىن. ەلىمىزدىڭ دامىپ- وركەندەۋى جولىندا جاقسى اقپاراتتى تاراتا بەرىڭىزدەر»، — دەدى ق ر مادەنيەت جانە اقپارات ءمينيسترى ايدا بالايەۆا ءوز قۇتتىقتاۋىندا.

New season presentation
Фото: Photo: Viktor Fedyunin/Kazinform News Agency

ال پرەزيدەنتتىڭ ىشكى ساياسات جانە كوممۋنيكاتسيالار ماسەلەلەرى جونىندەگى كەڭەسشىسى رۋسلان جەلدىباي Jibek Joly ارناسىنىڭ از ۋاقىتتا ءوسۋ جولىنا توقتالدى.

«ءبىر جىل بۇرىن وسى تەلەارنانى اشۋ يدەياسى قالاي پايدا بولعانى، تەلەارنا اتاۋى، لوگوتيپىنەن باستاپ، قالاي ويلاستىرىلعانى كوز الدىمدا ءوتتى. سوندىقتان بۇل ۇلكەن جۇمىس. ارينە ءبىر جىل — قازىرگى الەم ءۇشىن قاس- قاعىم ءسات. ءبىراق از عانا ۋاقىتتا Jibek joly ارناسىنىڭ وسىنداي دەڭگەيگە كوتەرىلۋى — ۇلكەن ماقتانىش. سوندىقتان تەلەارنا ۇجىمىنا شىن جۇرەگىممەن العىس ايتامىن. پرەزيدەنتتىڭ باسپا ءسوز حاتشىسى قىزمەتىندە جۇرگەنىمدە وسىنداعى ءاربىر قىزمەتكەردىڭ ەڭبەگىن جاقسى بىلەمىن، جاڭا عيماراتقا بارعاندا دا تانىسقانمىن. تەلەارناعا تەك شىعارماشىلىق تابىس تىلەيمىن»، — دەپ قۇتتىقتادى ق ر پرەزيدەنتىنىڭ ىشكى ساياسات جانە كوممۋنيكاتسيالار بويىنشا كەڭەسشىسى رۋسلان جەلدىباي.

ق ر پرەزيدەنتى تەلەراديوكەشەنىنىڭ باس ديرەكتورى راۋشان قاجىبايەۆا ۇجىمنىڭ سوڭعى ءبىر جىلدا بىرنەشە باعىتتا قاتار دامىپ، بىرەگەي مەدياحولدينگكە اينالعانىن اتاپ ءوتتى.

«ءبىزدىڭ مەديارەسۋرستار ءتۇرلى ورتاعا ارنالعان سان الۋان كونتەنت ازىرلەيدى. سول ءۇشىن دە جوعارى سەنىمگە يە. بۇگىندە تەلەديدارعا سۇرانىس ازايعانى جونىندە كوپ ايتىلادى، وعان ءبىزدىڭ ايتارىمىز — كورەرمەنگە جەتكىزۋ ءتاسىلى ەمەس، كونەنتتىڭ ءوزى ماڭىزدى. مۇنى جەكەلەگەن تەلەارنالاردىڭ ماڭىزدى جوبالار ارقىلى جالپى كورسەتكىشتەردى ارتتىرۋى مىسالىندا كورىپ وتىرمىز. شىن مانىندە ءبىزدىڭ ۇلكەن ماقتانىشىمىز — Silk Way Cinema جوباسى. مۇندا العاش رەت وتاندىق تەلەكومپانيالاردىڭ، كينوستۋديالاردىڭ ۇزدىك جوبالارىنىڭ ۇلكەن كىتاپحاناسى جينالدى. وسى جوباعا ۇلەس قوسقان بارلىق ارىپتەستەرىمىزگە، بارلىق قازاقستاندىق مەدياعا العىس بىلدىرەمىز. بۇگىنگى تاڭدا Silk Way Cinema ارناسى الەمنىڭ 10 ەلىندە حابار تاراتادى جانە ءبىز ونىڭ گەوگرافيالىق اۋقىمىن كەڭەيتەمىز»، — دەدى راۋشان قاجىبايەۆا.

New season presentation
Фото: Photo: Viktor Fedyunin/ Kazinform News Agency

 

باس ديرەكتور 103 جىلدىق تاريحى بار Kazinform حالىقارالىق اقپارات اگەنتتىگى قازاقستاندىقتار ءۇشىن الەمدىك وقيعالاردىڭ، شەتەلدىك اۋديتوريا ءۇشىن — ورتالىق ازياداعى وقيعالاردىڭ قاينار كوزى بولىپ قالا بەرەتىنىن جەتكىزدى.

اگەنتتىك وقىرمان نازارىنا كۇنىنە 400 گە جۋىق ماتەريال ۇسىنادى.

قازىرگى ۋاقىتتا Kazinform — 5 تىلدە جاڭالىق تاراتاتىن اقپاراتتىق پورتال عانا ەمەس، ءتۇرلى جانرداعى ساراپتامالىق زەرتتەۋلەردىڭ، وزەكتى باستامالار مەن ەكسكليۋزيۆ پىكىرلەر دەرەككوزى.

«الەمنىڭ 11 ەلىندە اگەنتتىكتىڭ مەنشىكتى تىلشىلەرى بار، سوندىقتان ءبىزدىڭ باستى مىندەتىمىز — قازاقستان مەن ورتالىق ازيا وڭىرىندەگى وقيعالاردى شەتەلدىك اۋديتورياعا جەتكىزۋ. جاڭا جىلدان باستاپ، اگەنتتىكتىڭ اعىلشىن تىلىندەگى رەداكسياسىن ەداۋىر كۇشەيتەتىن بولامىز. ءبىز قازاقستان ءوڭىرى مەن ورتالىق ازيا جاڭالىقتارى بار اعىلشىن تىلىندەگى Telegram ارناسىن ىسكە قوسامىز»، — دەدى راۋشان قاجىبايەۆا.

Kazinform جاڭا اقپارات ماۋسىمىن جاڭا ترانسفورماتسيامەن باستادى. اگەنتتىكتىڭ سىرتقى كەلبەتىنەن باستاپ ىشكى مازمۇنى تۇبەگەيلى وزگەردى.

بۇگىندە اگەنتتىك وقىرماندارى الەمنىڭ 100 دەن استام ەلىندە ءجۇرىپ، جەدەل ءارى سەنىمدى اقپاراتتى كەز كەلگەن قۇرىلعىدان جەڭىل ءارى وڭاي الا الادى.

«Kazinform جاڭا ماۋسىمعا عانا ەمەس، دامۋدىڭ جاڭا كەزەڭىنە اياق باستى. جاڭاشىلدىقتار ۆيزۋالدى جانە تەحنيكالىق تۇرعىدا دا ءجۇردى، دامۋ مەن جەتىلدىرۋدى جالعاستىراتىن جاڭا پلاتفورما اشىلدى. وعان قوسا، رەداكسيالىق ساياساتتا دا وزگەرىس بار: اقپارات بەرۋ ءتاسىلىن وزگەرتتىك، مۋلتيمەديالىق كونتەنتكە باسىمدىق بەرىپ، مازمۇندى ءارى تولىققاندى ەتە تۇسەمىز. ادەتتەگى لەنتالىق اقپارات وندىرىسىنەن قازاقستان، ورتالىق ازيا جانە بۇكىل الەم بويىنشا بىرەگەي جانە ەكسكليۋزيۆتى كونتەنت بەرۋگە اۋىسامىز. ءبىز ۇلكەن بەينەاقپارات اگەنتتىگى بولۋعا دا تىرىسامىز. Kazinform — قازاقستاندىق ب ا ق- تىڭ باسەكەلەسى ەمەس، ءبىز ەلدىڭ اقپارات الاڭىنداعى سەرىكتەسپىز. بارلىعىمەن ىنتىماقتاستىق ورناتۋعا، ەكسكليۋزيۆتى اقپاراتپەن الماسۋعا دايىنبىز. بۇل رەتتە Kazinform ءوزىنىڭ باستى قاسيەتى — سەنىمدىلىكتى ۇستانادى. بىزبەن بىرگە بولعانىڭىزعا راحمەت»، — دەدى Kazinform حالىقارالىق اقپارات اگەنتتىگىنىڭ باسقارۋشى ديرەكتورى اسقار جالدينوۆ.

جاڭا ماۋسىمدا پرەزيدەنت تەلەراديوكەشەنى قۇرىلىمىندا بىردەن ءۇش تەلەارنا جۇمىسىن باستادى.

ولار — Jibek Joly وتباسىلىق ارناسى، الەمنىڭ 100 دەن استام ەلىندە اۋديتورياسى بار Silk Way سپۋتنيكتىك ارناسى جانە Silk Way Cinema سپۋتنيكتىك كينوارناسى.

2022 -جىلدىڭ 1-قىركۇيەگىندە ەفيرگە شىققان «Jibek Joly» تەلەارناسى حابار تاراتقان ءبىر جىلدا قازاقستاندىق باستى ارنالاردىڭ تىزىمىنەن كورىنىپ، رەيتينگتە توپ وندىققا ەندى.

تەلەارنانىڭ ۇلەسى قازىر 7 ەسە ارتقان.

جاڭا ماۋسىمدا Jibek Joly تەلەارناسى اقپاراتتىق- ساراپتامالىق باعدارلامالاردى، تانىمال توك- شوۋلار مەن كينو- سەريالدار توپتاماسىن ۇسىنادى.

مىسالى، بالالى بولعىسى كەلگەن وتباسىلار قامىن ءلايلا سۇلتان قىزى ويلايدى، شەتەل اسقان قاراكوزدەردىڭ وتانىمەن بايلانىسىن جانار بايسەمىز ورناتادى.

«مەنىڭ اۋدانىم» جوباسى ەل اۋداندارىن ارالاپ، حالىقپەن تىلدەسەدى.

ال «ۋادە» باعدارلاماسىنىڭ جۇرگىزۋشىسى ەربولات مۇحامەدجان مينيسترلەرمەن جانە اكىمدەرمەن تىلدەسەدى.

كۇندىزگى ەفيردى نۇرلان يمام بايجىگىت ۇلى، كەشكى ەفيردى نۇرلان قويانبايەۆ تىزگىندەمەك. بۇل — قانشاما كونتەنتتىڭ ءبىر بولىگى عانا.

«بۇگىنگى شارانىڭ „جاڭا باعىت“ دەپ اتالۋىنىڭ سەبەبى بار. بۇل Jibek Joly ارناسى ءۇشىن جاڭا ىزدەنىستەر، جاڭا باعىتتار مەن باعدارلامالار بولسا، Silk Way ارناسى ءۇشىن — باسقا ەلدەرگە تارالۋ ايماقتارىنىڭ ۇلعايۋى بولدى. بيىل ءبىز ازەربايجان ەلىنىڭ 14 پاكەتىنە ەندىك، ۇلىبريتانيا جانە كورشىلەس قىرعىزستاننىڭ سيفرلىق ەفيرىنە ەندىك. وسىعان دەيىن Silk Way تەلەارناسى رەسەي، گرۋزيا، لاتۆيا، پولشا جانە بىرىككەن اراب امىرلىكتەرىنىڭ ەفيرلىك بازاسىنا ەنگەن بولاتىن. تاعى اتاپ وتەرلىگى، ينتەرنەت- پاكەتتە ءبىز الەمنىڭ 122 ەلىندە بارمىز. Silk Way تەلەارناسى 5 تىلدە حابار تاراتادى، جاڭا جىلدان باستاپ تۇرىك تىلىندە حابار تاراتۋدى باستايدى. ءقازىر اۋدارماشىلار بارلىق كونتەنتتى اۋدارىپ جاتىر. Jibek Joly ارناسىنىڭ نەگىزگى كونەنتى — حالىقتىڭ كوڭىلىنەن شىعاتىن جانرلار، سونىمەن قاتار ءبىز ەلىمىزدىڭ قوعامدىق- اقپاراتتىق يدەولوگياسىنا نەگىزدەلگەن جوبالاردى ۇسىنۋعا تىرىسىپ كەلەمىز. „Silk Way Cinema“ تەلەارناسىنىڭ دا بولاشاعى ءالى الدا، بۇل رەتتە ەلىمىزدىڭ بارلىق كينوگەرلەرى مەن پروديۋسەرلەرىن ارىپتەس بولۋعا شاقىرامىن» ، — دەدى «Jibek Joly — Silk Way» ارناسىنىڭ باسقارۋشى ديرەكتورى ەركەجان كۇنتۋعان قىزى.

سونداي- اق، ق ر پرەزيدەنت تەلەراديوكەشەنىنىڭ دەرەكتى كينو ورتالىعى — مەملەكەت باسشىسىنىڭ جۇمىسىنان اقپاراتتىق قامتاماسىز ەتۋ مەن مەملەكەت دامۋىنىڭ باسىم باعىتتارىن ءتۇسىندىرۋ بويىنشا ەڭبەك ەتەتىن قۇرىلىم.

تەك ءبىر جىلدا ورتالىق 40 تان استام قىسقا جانە تولىق مەتراجدى فيلمدەر تۇسىرگەن. ونىڭ بارلىعى ەلىمىزدەگى تەلەارنالاردا كورسەتىلىپ شىقتى.

دەرەكتى كينو ورتالىعى كومانداسىنىڭ جوبالارى ءتۇرلى حالىقارالىق بايقاۋلاردا توپ جارىپ كەلەدى.

بيىل ورتالىقتىڭ «كاسپي يتبالىعى نەگە قىرىلىپ جاتىر» دەرەكتى فيلمى «زيلانت» حالىقارالىق كينوفەستيۆالىنىڭ جۇلدەگەرى اتاندى، ال «باقىتتى بالالىق» — رەسەيلىك «بەلايا پتيتسا» فەستيۆالىنىڭ ۇزدىك بالالار دەرەكتى لەنتاسى بولىپ تانىلدى.

«پرەزيدەنت تەلەراديوكەشەنى — اسا قۋاتتى رەسۋرس، ال دەرەكتى كينو ورتالىعى — ءبىزدىڭ مەديكومپانيانىڭ جەكە وندىرىستىك بازاسى. ءبىزدىڭ ءبىرىنشى مىندەتىمىز — مەملەكەت باسشىسىنىڭ قىزمەتى جايلى مەدياكونتەنت ازىرلەۋ. ءبىز رەسمي حرونيكانى تۇرلەندىرىپ، تارتىمدى دەرەكتى كينوعا اينالدىرامىز. ەل پرەزيدەنتىنىڭ قاتىسۋىمەن وتەتىن ماڭىزدى وقيعالار مەن پروتسەسستەردەن اقپاراتتىق قولداۋ كورسەتۋدى قامتاماسىز ەتەمىز. ءبىزدىڭ دەرەكتى فيلمدەردە مەملەكەتتىڭ الەۋمەتتىك- ەكونوميكالىق ستراتەگياسى قالاي جۇزەگە اسىرىلىپ جاتقانى، جاڭا قازاقستاننىڭ جارقىن ساتتەرى باياندالادى. ءبىزدىڭ قاھارماندار — شىنايى ادامدار. ولار وزدەرىنىڭ تۇرمىس- تىرشىلىگىن، بولاشاققا جوسپارىن اڭگىمەلەيدى»، — دەيدى دەرەكتى كينو ورتالىعىنىڭ جەتەكشىسى اقىلبەك ارالباي ۇلى.

سالتاناتتى تۇساۋكەسەر كەشى وتاندىق ەسترادا جۇلدىزدارىنىڭ مەرەكەلىك كونتسەرتىنە ۇلاستى.

ايتا كەتەيىك، ق ر پرەزيدەنتىنىڭ تەلەراديوكەشەنى 1996 -جىلى مەملەكەت باسشىسىنىڭ قاۋلىسىمەن قۇرىلعان.

اۆتور

ايجان سەرىكجان قىزى

سوڭعى جاڭالىقتار