پرەزيدەنت تابيعي اپاتپەن كۇرەسىپ جۇرگەن ازاماتتارعا العىس ايتتى
پەتروپاۆل. KAZINFORM - مەملەكەت باسشىسى سولتۇستىك قازاقستان وبلىسىنا جاساعان جۇمىس ساپارى اياسىندا سۋ تاسقىنىنان زارداپ شەككەن تۇرعىندارعا كومەكتەسىپ جاتقان قۇتقارۋشىلارمەن، ەرىكتىلەرمەن جانە كاسىپكەرلەرمەن كەزدەستى، دەپ حابارلايدى اقوردانىڭ باسپا ءسوز قىزمەتى.
قاسىم-جومارت توقايەۆ توتەنشە جاعداي كەزىندە ءوڭىر تۇرعىندارىنىڭ جوعارى دەڭگەيدە ۇيىمشىلدىق تانىتقانىن اتاپ ءوتىپ، تابيعات اپاتىمەن كۇرەسىپ جۇرگەن بارلىق ازاماتقا العىس ايتتى.
سولتۇستىك قازاقستان وبلىسى بويىنشا قازاقستان حالقى اسسامبلەياسى ءتوراعاسىنىڭ قوعامدىق ورىنباسارى ەلەنا سەميدوتسكيح پرەزيدەنتكە وبلىستاعى ءار اۋداندا گۋمانيتارلىق كومەك قابىلدايتىن پۋنكتتەر اشىلعانى جونىندە مالىمەت بەردى.
«Birgemiz» ۆولونتەرلەر فرونت-وفيسىنىڭ جەتەكشىسى اناستاسيا ۆولكوۆا ەرىكتىلەردىڭ جەدەل ارەكەت ەتۋ شتابى قۇرىلعانى تۋرالى ايتتى. شتاب 2500 دەن استام ۆولونتەردى ۇيرەتەدى جانە ولاردىڭ جۇمىسىن ۇيلەستىرەدى.
«سيەۆكازەنەرگو» اكسيونەرلىك قوعامىنىڭ باس ديرەكتورى اناتولي كازانوۆسكي اتالعان كاسىپورىننىڭ اكسيونەرلەرى 100 ميلليون تەڭگە بولگەنىن، ترانسفورماتورلار ورناتۋ جانە ەلەكتر جەلىلەرىن تارتۋ جۇمىستارىن جۇرگىزگەنىن ايتتى.
«قىزىلجار جولدارى» ج ش س ديرەكتورى اسحات جولداسپايەۆ كومپانيانىڭ سۋ تاسقىنىنا قارسى شارالارعا بەلسەندى اتسالىسىپ جاتقانىن جەتكىزدى. وسى رەتتە اتالعان مەكەمە بوگەتتەر سالۋ جانە نىعايتۋ ءۇشىن ارناۋلى تەحنيكالار مەن قاجەتتى قۇرال-جابدىقتار ءبولىپ وتىر.
