پرەزيدەنت ت م د-عا مۇشە مەملەكەتتەر باسشىلارىنىڭ بەيرەسمي كەزدەسۋىنە قاتىستى

  قاسىم- جومارت توقايەۆ ت م د-عا مۇشە مەملەكەتتەر باسشىلارىنىڭ بەيرەسمي كەزدەسۋىنە قاتىستى، دەپ حابارلايدى Kazinform.

ت م د-عا مۇشە مەملەكەتتەر باسشىلارىنىڭ بەيرەسمي كەزدەسۋىنە قازاقستان پرەزيدەنتى قاسىم-جومارت توقايەۆپەن قاتار، رەسەي پرەزيدەنتى ۆلاديمير پۋتين، ازەربايجان پرەزيدەنتى يلحام اليەۆ، ارمەنيا پرەمەر- ءمينيسترى نيكول پاشينيان، بەلارۋس پرەزيدەنتى الەكساندر لۋكاشەنكو، قىرعىزستان پرەزيدەنتى سادىر جاپاروۆ، تاجىكستان پرەزيدەنتى ەمومالي راحمون، تۇرىكمەنستان پرەزيدەنتى سەردار بەردىمۇحامەدوۆ، وزبەكستان پرەزيدەنتى شاۆكات ميرزيەيەۆ قاتىستى.

"جيىن بارىسىندا ت م د ەلدەرىنىڭ كوشباسشىلارى ۇيىم قىزمەتىنىڭ باسىم باعىتتارىن، ءوزارا ءتيىمدى ىنتىماقتاستىقتى نىعايتۋ جانە ودان ءارى دامىتۋ جوسپارىن تالقىلادى. سونداي- اق ت م د اياسىنداعى ىقپالداستىقتىڭ وزەكتى ماسەلەلەرى جونىندە پىكىر الماستى"، - دەپ جازدى اقوردانىڭ الەۋمەتتىك جەلىدەگى رەسمي پاراقشاسى.