پرەزيدەنت ت م د- عا مۇشە ەلدەر باسشىلارى كەڭەسىنىڭ وتىرىسىنا قاتىستى
قازاقستان پرەزيدەنتى ت م د- عا مۇشە مەملەكەت باسشىلارى كەڭەسىنىڭ وتىرىسىنا قاتىستى، دەپ حابارلايدى Kazinform اقوردانىڭ باسپا ءسوز قىزمەتىنە سىلتەمە جاساپ.
قازاقستان پرەزيدەنتى قوناقجايلىق كورسەتكەنى جانە ت م د- عا ءتوراعالىق ەتۋ بارىسىندا قىرعىزستاننىڭ تابىستى جۇمىس اتقارعانى ءۇشىن سادىر جاپاروۆقا العىس ايتتى.
مەملەكەت باسشىسى ت م د جانىنداعى سەرىكتەس جانە باقىلاۋشى مارتەبەسىنىڭ بەكىتىلۋىن بۇگىنگى وتىرىستىڭ ايتۋلى وقيعاسى رەتىندە اتاپ ءوتىپ، بۇل شەشىم ۇيىمنىڭ كەمەلىنە كەلگەنىن جانە ونى دامىتۋدىڭ جاڭا كەزەڭىنە قادام باسقانىن كورسەتەتىنىنە نازار اۋداردى.
قازاقستان پرەزيدەنتى گەوساياسي قايشىلىقتاردىڭ شيەلەنىسە تۇسكەنىن اتاپ ءوتىپ، الەم ەكونوميكاسىندا تۇراقسىزدىق كۇشەيگەنىن ايتتى.
«قازاقستان جاھاندىق ساۋدا- ساتتىق پەن مەملەكەتتەردىڭ ءال- اۋقاتىنا كەرى اسەر ەتەتىن ەكونوميكالىق سانكتسيالاردى قولدانۋعا تۇبەگەيلى قارسى»، - دەدى مەملەكەت باسشىسى.
