پرەزيدەنت «قازپوشتا» ا ق باسقارما ءتوراعاسى اسەل جاناسوۆانى قابىلدادى

استانا. KAZINFORM - مەملەكەت باسشىسى «قازپوشتا» ا ق باسقارما ءتوراعاسى اسەل جاناسوۆانى قابىلدادى. بۇل تۋرالى اقوردانىڭ باسپا ءسوز قىزمەتى حابارلادى.

Президент «Қазпошта» АҚ басқарма төрағасы Әсел Жанасованы қабылдады
Фото: Ақорда

پرەزيدەنتكە كومپانيانىڭ بىلتىر اتقارعان قىزمەتىنىڭ ناتيجەلەرى، قارجىلىق جاعدايى، سونداي- اق دامۋدىڭ پەرسپەكتيۆتى باعىتتارى تۋرالى ەسەپ بەرىلدى. اسەل جاناسوۆانىڭ ايتۋىنشا، سوڭعى ەكى جىلدا «قازپوشتا» تازا تابىس تاۋىپ، بيۋدجەتكە 45 ميلليارد تەڭگە كولەمىندە سالىق جانە باج الىمدارىن تولەدى.

قاسىم-جومارت توقايەۆقا كومپانيا دۇنيەجۇزىلىك پوشتا وداعىنىڭ رەيتينگىسى بويىنشا العاش رەت ەڭ ۇزدىك 50 پوشتا وپەراتورىنىڭ قاتارىنا كىرگەنى جونىندە باياندالدى. تاسىمال ۇدەرىسىن وڭتايلاندىرۋ ەسەبىنەن پوشتالىق جونەلتىلىمدەردىڭ كولەمى 26 پايىزعا ءوستى. اتاپ ايتقاندا، 20 ميلليون، سونىڭ ىشىندە 9 ميلليون حالىقارالىق سالەمدەمە جەتكىزىلگەن.

مەملەكەت باسشىسىنا HomePost جوباسىنىڭ جۇزەگە اسىرىلۋ بارىسى تانىستىرىلدى. اتالعان باستاما اياسىندا ءۇي جانىنداعى دۇكەندەر اۋماعىندا تاپسىرىستاردى بەرۋگە ارنالعان 180 پۋنكت اشىلدى. بيىل ولاردىڭ سانى 1 مىڭعا جەتەدى. YTO Express كومپانياسىمەن ىنتىماقتاستىق شەڭبەرىندە پوشتالىق ينفراقۇرىلىمدى جاڭعىرتۋعا 50 ميلليون دوللار كولەمىندە ينۆەستيتسيا تارتىلدى.

«قازپوشتا» ا ق باسقارما ءتوراعاسى پرەزيدەنتكە قىزمەت ساپاسىن جاقسارتۋ ماقساتىندا ەنگىزىلەتىن يننوۆاتسيا جايىندا ايتتى. وسى ورايدا Japan Post, Toshiba جانە Cainiao كومپانيالارىمەن كولىك جانە لوگيستيكا سالالارىندا بىرلەسكەن جوبالار جۇزەگە اسىرىلىپ جاتىر. بۇدان بولەك، حالىقارالىق ماركەتپلەيستەرگە قولجەتىمدىلىكتى قامتاماسىز ەتەتىن Keruen سەرۆيسى دامىپ كەلەدى.

قاسىم- جومارت توقايەۆقا اقتوبە اۋەجايىندا مۋلتيمودالدى قويما سالۋ جوسپارلانىپ وتىرعانى جونىندە ايتىلدى. اۋماعى 15 مىڭ شارشى مەتر بولاتىن بۇل نىسان تۇركيانىڭ S- Sistem كومپانياسىمەن سەرىكتەستىك نەگىزىندە بوي كوتەرەدى.

كەزدەسۋ سوڭىندا مەملەكەت باسشىسى كومپانيانىڭ قارجىلىق جاعدايىن جاقسارتۋ، ەلىمىزدىڭ ت م د- عا باعىتتالعان كولىك- لوگيستيكا الەۋەتىن ەلەكتروندى ساۋدا سالاسىندا دامىتۋ جانە سيفرلىق شەشىمدەر ەنگىزۋ بويىنشا جۇمىستاردى جالعاستىرۋدى تاپسىردى.

سوڭعى جاڭالىقتار