پرەزيدەنت «قازاتومونەركاسىپ» ۇلتتىق اتوم كومپانياسى» ا ق باسقارما ءتوراعاسى مەيىرجان يۋسۋپوۆتى قابىلدادى

Глава государства принял председателя правления АО «Национальная атомная компания «Казатомпром» Меиржана Юсупова
Фото: Акорда

  استانا. KAZINFORM - مەملەكەت باسشىسىنا «قازاتومونەركاسىپتىڭ» بىلتىرعى اتقارعان جۇمىستارىنىڭ ناتيجەسى تۋرالى ەسەپ بەرىلىپ، كومپانيانىڭ قىسقا مەرزىمدى جانە ورتا مەرزىمدى پەرسپەكتيۆاعا ارنالعان ماقساتتارى مەن جوسپارلارى تانىستىرىلدى.

پرەزيدەنتكە وتكەن جىلدىڭ قورىتىندىسى بويىنشا ۋران ونىمدەرىن ءوندىرۋ كولەمى 21 مىڭ توننادان، ال ساتۋ كورسەتكىشى 18 مىڭ توننادان اسقانى جونىندە باياندالدى. مەيىرجان يۋسۋپوۆتىڭ ايتۋىنشا، 2023 -جىلى ترانسكاسپي حالىقارالىق كولىك باعدارى ارقىلى تاسىمالدانعان ۋران ونىمدەرىنىڭ ۇلەسى ايتارلىقتاي ارتقان. قازاقستاننان باتىس ەلدەرىنە جونەلتىلگەن ۋراننىڭ 64 پايىزى وسى ترانزيت ءدالىزى ارقىلى تاسىمالدانعان.

بۇدان بولەك، مەملەكەت باسشىسىنا «قازاتومونەركاسىپ» كومپانيالار توبى جۇزەگە اسىرىپ جاتقان ينۆەستيتسيالىق جوبالار، سونداي- اق ءوندىرىس ورىندارى ورنالاسقان وڭىرلەردى دامىتۋعا جانە قولداۋعا باعىتتالعان الەۋمەتتىك ماڭىزى بار جوبالار تۋرالى مالىمەت بەرىلدى.

سونىمەن قاتار پرەزيدەنتكە مينەرالدىق-شيكىزاتتىق بازانى كەڭەيتۋ جانە تولىقتىرۋ جۇمىستارى جايىندا ايتىلدى.

كەزدەسۋ سوڭىندا قاسىم-جومارت توقايەۆ «قازاتومونەركاسىپ» جۇمىسىنىڭ تيىمدىلىگىن ارتتىرۋ جونىندە ءبىرقاتار ناقتى تاپسىرما بەردى.

اۆتور

اسحات رايقۇل

سوڭعى جاڭالىقتار