پرەزيدەنت: قازاقستان - ەۋرازياداعى، اسىرەسە ورتالىق ازياداعى تۇراقتىلىق پەن قاۋىپسىزدىكتىڭ تىرەگى
استانا. KAZINFORM - مەملەكەت باسشىسى قاسىم-جومارت توقايەۆ بۇگىن قاتارلىق Al Jazeera تەلەارناسىنا ەكسكليۋزيۆ سۇحبات بەردى.
Al Jazeera: وسى اپتادا استانا حالىقارالىق فورۋمى ءوتىپ جاتىر. بۇل- قازاقستاندى الەمگە تانىتاتىن ءىس-شارانىڭ ءبىرى. ءسىزدىڭ رەفورمالار باعدارلاماسىن جاريا ەتكەنىڭىزگە دە3 جىل بولدى. ءوزىڭىز ۋادە ەتكەن جاڭا قازاقستانعا جەتە الدىڭىزدار ما؟ قالاي ويلايسىز؟
- ءبىز سەنىمدى تۇردە العا قادام باسىپ كەلەمىز. پروتسەسس ءجۇرىپ جاتىر. دەگەنمەن ءبىز رەفورمالاردى قولعا العاندا قازاقستاندا عانا ەمەس، الەمدە كوپتەگەن وقيعا ورىن الدى.
AlJazeera: اتاپ ايتقاندا، كوروناۆيرۋس، ۋكرايناداعى سوعىس…
- دۇرىس ايتاسىز. مەنىڭشە، بۇل وڭاي دۇنيە ەمەس. ءبىز ءادىل ءارى ناقتى ىسكە ۇمتىلۋىمىز كەرەك. سونىمەن قاتار وزگەرىستەردى جۇزەگە اسىرعاندا بارلىق جاعىنان باتىل قيمىلداۋ قاجەت. سوندىقتان كۇن تارتىبىندەگى تۇرعان ماقساتتىڭ بارىنە قول جەتكىزۋ ءۇشىن بارىنشا تاباندى ارەكەت ەتكەن دۇرىس. ءيا، رەفورما جالعاسىپ جاتىر. ونىڭ ناتيجەسى دە جەتكىلىكتى.
AlJazeera: ءسىزدىڭ ەلدىڭ سىرتقى ساياساتىنا نازار اۋدارايىقشى، قازاقستان كەيبىر شەتەلدىك سەرىكتەستەرمەن قارىم-قاتىناسىن ويەلەگىنەن وتكىزىپ، كەيبىر ساۋدا قاتىناسىن قايتا قاراپ جاتىرما؟ ماسەلەن، قانداي ءدابىر ۇلى دەرجاۆاعا تاۋەلدى، تىم جاقىن بولماۋى ءۇشىن ورتا ءدالىز جوباسىن جانداندىرۋ دەگەن سەكىلدى…
- بىرىنشىدەن، ءبىز سىرتقى ساياساتتا قانداي ءدا بىر رەفورما جۇرگىزىپ جاتىرمىز دەي المايمىن. ويتكەنى، بۇل - كونسەرۆاتيۆتى قۇبىلىس. الايدا قازاقستاننان تىسقارى جەردە ورىن الىپ جاتقان جاعدايلاردى دا قاپەردە ۇستاۋ قاجەت. قازاقستان - ەۋرازياداعى، اسىرەسە ورتالىق ازياداعى تۇراقتىلىق پەن قاۋىپسىزدىكتىڭ تىرەگى. ءبىز اۋەل باستان ءىرى دەرجاۆالارمەن، سونىڭ ىشىندە كورشىلەرىمىزبەن تەڭگەرىمدى ساياسات جۇرگىزىپ كەلەمىز جانە ۇلتتىق ماقساتتارىمىزدى دا ۇمىت قالدىرعان ەمەسپىز. سوندىقتان سىرتقى ساياساتتاعى ۇستانىمىمىز وزگەردى دەمەس ەدىم.
ورتا ءدالىز تۋرالى ەسكە سالعانىڭىز دا ورىندى. سەبەبى ءبىز كولىك قاتىناستارىن ءارتاراپتاندىرۋعا باسىمدىق بەرەمىز. وسى تۇرعىدان العاندا، ترانسكاسپيي كولىك باعدارىنىڭ ماڭىزى ارتا تۇسەدى. ءوزىڭىز بىلەتىندەي، ءبىز «ءبىر بەلدەۋ، ءبىر جول» باستاماسىن قولدايمىز. قحر ءتوراعاسى سي ءتسزينپيننىڭ 2013-جىلى بۇل باستامانى قازاقستاننىڭ ەلورداسىندا جاريا ەتۋى دە بەكەر ەمەس.
ەسكە سالايىق، 2024-جىلعى 3-قاڭتاردا مەملەكەت باسشىسى قاسىم-جومارت توقايەۆ Egemen Qazaqstan گازەتىنە كولەمدى سۇحبات بەرىپ، وتكەن جىلدارداعى ەلدەگى اتقارىلعان جۇمىستى قورىتىندىلاپ، الداعى ستراتەگياسىن ءبولىستى.
