پرەزيدەنت: قازاقستان ءتوراعالىق ەتكەن كەزەڭدە ۇ ق ش ۇ- نىڭ الدىنداعى مىندەتتەردىڭ ءبارى ورىندالدى

استانا. KAZINFORM - مەملەكەت باسشىسى قاسىم- جومارت توقايەۆ ەلوردادا ۇجىمدىق قاۋىپسىزدىك تۋرالى شارت ۇيىمى ۇجىمدىق قاۋىپسىزدىك كەڭەسىنىڭ كەزەكتى سەسسياسىن اشىق دەپ جاريالادى.

«تۇتاستاي العاندا، قازاقستان ۇيىمعا ءتوراعالىق ەتكەن كەزەڭدە ۇ ق ش ۇ- نىڭ الدىندا تۇرعان بارلىق مىندەتتەر ورىندالدى. باسىم باعىتتاردى ىسكە اسىرۋدا كورسەتكەن قولداۋلارىڭىز ءۇشىن جانە بىرلەسكەن جەمىستى جۇمىستارىڭىز ءۇشىن ۇلكەن ريزاشىلىعىمىزدى بىلدىرەمىن. 
قۇرمەتتى ارىپتەستەر، قىمباتتى دوستار! بۇگىن ءبىز حالىقارالىق ارەناداعى جانە وڭىردەگى احۋال تۋرالى پىكىر الماسىپ، ونىڭ ۇ ق ش ۇ- عا مۇشە مەملەكەتتەردىڭ قاۋىپسىزدىگىنە اسەرىن باعالاۋىمىز كەرەك»، - دەدى قاسىم- جومارت توقايەۆ.

پرەزيدەنتتىڭ ايتۋىنشا، بۇگىنگى سەسسيادا ۇيىمعا قازاقستان ءتوراعالىق ەتكەن كەزەڭدە اتقارىلعان جۇمىستار قورىتىندىلانادى.

«سونداي- اق، ءبىز ۇ ق ش ۇ اياسىنداعى ىنتىماقتاستىقتىڭ كەڭ اۋقىمدى باعىتتارىندا اتقارىلعان جۇمىس تۋرالى مالىمەتتى تىڭداپ، وتكەن كەزەڭدەگى قىزمەتتى قورىتىندىلايمىز.
ءتوراعالىق ەتۋشىنىڭ قۇقىعىن پايدالانا وتىرىپ ۇجىمدىق قاۋىپسىزدىك تۋرالى شارت ۇيىمى ۇجىمدىق قاۋىپسىزدىك كەڭەسىنىڭ كەزەكتى سەسسياسىن اشىق دەپ جاريالاۋعا رۇقسات ەتىڭىزدەر»، - دەدى مەملەكەت باسشىسى.

ايتا كەتەيىك، اتالمىش جيىنعا قازاقستان پرەزيدەنتى قاسىم-جومارت توقايەۆ، بەلارۋس پرەزيدەنتى الەكساندر لۋكاشەنكو، قىرعىزستان پرەزيدەنتى سادىر جاپاروۆ، تاجىكستان پرەزيدەنتى ەمومالي راحمون جانە رەسەي پرەزيدەنتى ۆلاديمير پۋتين ۇقشۇ باس حاتشىسى يمانعالي تاسماعانبەتوۆ قاتىسىپ وتىر.

سونداي- اق، ءىس-شاراعا ت م د باس حاتشىسى سەرگەي لەبەديەۆ پەن ش ى ۇ باس حاتشىسى چجان مين شاقىرتۋ العان.