17:52, 05 - جەلتوقسان 2023 | GMT +5
پرەزيدەنت قاسىم-جومارت توقايەۆ قىتايدىڭ قازاقستانداعى ەلشىسىن قابىلدادى
مەملەكەت باسشىسى قىتاي حالىق رەسپۋبليكاسىنىڭ قازاقستانداعى ەلشىسى جاڭ شياۋمەن اڭگىمەلەسۋ بارىسىندا ەكىجاقتى ىنتىماقتاستىقتىڭ قارقىندى دامىپ كەلە جاتقانىنا توقتالدى، دەپ حابارلايدى Kazinform.
اقوردانىڭ رەسمي سايتىنىڭ جازۋىنشا، قاسىم- جومارت توقايەۆ قازاقستاننىڭ قىتايمەن بارلىق باعىت بويىنشا ىقپالداستىقتى جانداندىرۋعا نيەتتى ەكەنىن ايتتى.
"كەزدەسۋدە ساۋدا، اۋىل شارۋاشىلىعى، ەنەرگەتيكا، جاڭا تەحنولوگيا، كولىك جانە لوگيستيكا سالالارىنداعى ءوزارا ءتيىمدى قاتىناستاردى ودان ءارى ارتتىرۋ ماڭىزدى ەكەنى اتاپ ءوتىلدى. سونداي- اق مادەني- گۋمانيتارلىق بايلانىستاردى نىعايتۋ ماسەلەسىنە دە نازار اۋدارىلدى"، - دەلىنگەن اقپاراتتا.
