13:51, 26 - قازان 2024 | GMT +6
پرەزيدەنت قاسىم-جومارت توقايەۆ موڭعولياعا مەملەكەتتىك ساپارمەن بارادى
استانا. قازاقپارات - 28-29-قازان كۇندەرى پرەزيدەنت قاسىم-جومارت توقايەۆ موڭعولياعا مەملەكەتتىك ساپارمەن بارادى. مەملەكەت باسشىسى پرەزيدەنت ۋحنااگين حۋرەلسۋحپەن كەلىسسوز جۇرگىزەدى. بۇل تۋرالى اقوردانىڭ باسپا ءسوز قىزمەتى حابارلادى.
سونداي-اق موڭعوليانىڭ ۇلى مەملەكەتتىك حۋرالىنىڭ ءتوراعاسى داشزەگۆين امارباياسگالانمەن جانە پرەمەر-مينيستر لۋۆساننامسراين ويۋۋن- ەردەنەمەن كەزدەسەدى.
ساپار اياسىندا ءبىرقاتار ماڭىزدى ەكىجاقتى قۇجاتتارعا قول قويۋ جوسپارلانىپ وتىر.
بۇعان دەيىن مەملەكەت باسشىسى اۋستريانىڭ فەدەرالدىق پرەزيدەنتىنە قۇتتىقتاۋ جەدەلحاتىن جولداعان بولاتىن.
