پرەزيدەنت قاسىم-جومارت توقايەۆ ب ۇ ۇ باس حاتشىسى انتونيۋ گۋتەرريشپەن كەلىسسوز جۇرگىزدى

Гутерриш Тоқаев
Фото: Ақорда

استانا. KAZINFORM - كەزدەسۋدە مەملەكەت باسشىسى ش ى ۇ- نىڭ استانا سامميتىنە قاتىسۋعا شاقىرۋىن قابىل العانى ءۇشىن ب ۇ ۇ باس حاتشىسىنا العىس ايتتى.

قاسىم-جومارت توقايەۆ انتونيۋ گۋتەرريشتىڭ ساپارى قازاقستان مەن ب ۇ ۇ اراسىنداعى جان-جاقتى ىنتىماقتاستىقتى نىعايتۋعا زور مۇمكىندىك بەرەتىنىن اتاپ ءوتتى.

- ءسىزدىڭ استاناعا ساپارىڭىز جانە شىۇ سامميتىنە قاتىسۋىڭىز قازاقستان مەن ب ۇ ۇ اراسىنداعى تىعىز قارىم-قاتىناستىڭ جارقىن بەلگىسى سانالادى. بۇل ءبىزدىڭ ب ۇ ۇ قىزمەتىنە اتسالىسىپ جاتقانىمىزدى كورسەتەدى. قازىرگى كۇردەلى جاعدايدا قازاقستان جانە مەن دە مەملەكەت باسشىسى رەتىندە ب ۇ ۇ- نىڭ جۇمىسىن جان-جاقتى قولدايمىز، - دەدى پرەزيدەنت.

انتونيۋ گۋتەرريش ءوزىنىڭ ساپارىن ب ۇ ۇ- نىڭ قازاقستانعا جانە ونىڭ ش ى ۇ ءتوراعالىعىنا كورسەتكەن قولداۋى مەن تىلەۋلەستىگىنىڭ كورىنىسى رەتىندە قاراستىراتىنىن مالىمدەدى

- قازاقستان بەيبىتشىلىك جولىنداعى كۇرەستىڭ جارقىن ۇلگىسىن كورسەتىپ كەلەدى. ءسىزدىڭ ەلىڭىز بىرىگۋ ىسىندە دانەكەر، سونىڭ ىشىندە وتە كۇردەلى جاعدايلاردا ءارقاشان التىن كوپىر، بەيبىتشىلىكتىڭ ەلشىسى بولدى. استانا كوپتەگەن بىتىمگەرلىك باستامالاردىڭ، سونىڭ ىشىندە سيريا بويىنشا استانا پروتسەسىنىڭ ورتالىعىنا اينالدى. استانا ءاردايىم بەيبىتشىلىك الاڭى بولدى. قازاقستاننىڭ بەدەلى زور. سىزدەر يادرولىق قارۋسىزدانۋ سالاسىندا كوشباسشى ەلسىزدەر جانە باسقا دا كوپتەگەن سالادا بەيبىتشىلىككە بەيىلدى ەكەندەرىڭىزدى تانىتىپ كەلەسىزدەر، - دەدى انتونيۋ گۋتەرريش.

ب ۇ ۇ باس حاتشىسى استانانىڭ شانحاي ىنتىماقتاستىق ۇيىمىنا ءتوراعالىعىن جوعارى باعالادى. انتونيۋ گۋتەرريش قازاقستاندا جۇزەگە اسىرىلىپ جاتقان اۋقىمدى ساياسي جانە ەكونوميكالىق رەفورمالاردى قولدايتىنىن، ەلىمىزدىڭ جاھاندىق قاۋىپسىزدىك پەن بەيبىتشىلىكتى قامتاماسىز ەتۋ ىسىندە ماڭىزدى ءرول اتقاراتىنىن اتاپ ءوتتى.

سونىمەن قاتار كەزدەسۋدە ورتالىق ازيا مەملەكەتتەرى اراسىنداعى ايماقتاعى كووپەراتسيانى نىعايتۋ ماسەلەلەرىنە ەرەكشە نازار اۋدارىلدى. بۇۇ باس حاتشىسى وڭىردەگى ەكونوميكالىق ينتەگراتسيا ۇدەرىسىنە جوعارى باعا بەرىپ، ونىڭ جاھاندىق ماسەلەلەردى شەشۋدەگى الەۋەتى زور ەكەنىنە توقتالدى.

بۇدان بولەك، قازاقستان مەن ب ۇ ۇ اراسىنداعى كوپجاقتى ىنتىماقتاستىقتىڭ باسىم باعىتتارى، سونداي-اق حالىقارالىق كۇن تارتىبىندەگى وزەكتى ماسەلەلەر تالقىلاندى.

ايتا كەتەيىك، بۇعان دەيىن انتونيۋ گۋتەرريش ب ۇ ۇ- نىڭ الماتىداعى UN Plaza عيماراتىندا بولعانىن جازعانبىز.

سوڭعى جاڭالىقتار