پرەزيدەنت قاراعاندى وبلىسىنىڭ اكىمىنە سوگىس بەردى
استانا. KAZINFORM - مەملەكەت باسشىسى قاسىم- جومارت توقايەۆ جىلىتۋ ماۋسىمىنا دايىندىق جۇمىستارىنا تيىسىنشە باقىلاۋ جاساماعانى ءۇشىن قاراعاندى وبلىسىنىڭ اكىمى ەرماعانبەت بولەكبايەۆقا سوگىس بەردى.
بۇل تۋرالى ق ر پرەزيدەنتىنىڭ باسپا ءسوز حاتشىسى بەرىك ءۋالي جەلىدەگى پاراقشاسىندا جازدى.
بۇعان دەگىن حابارلاعانىمىزداي قاراعاندى وبلىسىنداعى ساران قالاسىندا تۇرعىندار ۇيلەردە جىلۋدىڭ جوقتىعىنا جاپپاي شاعىمدانا باستاعانى تۋرالى جازعان بولاتىنبىز.
قالا اكىمى ەركىن باۋلىقوۆ Instagram-داعى پاراقشاسىندا جاعدايدى ءتۇسىندىرىپ، تۇرعىنداردان كەشىرىم سۇرادى.
ساران قالاسىنداعى جىلۋ جاعدايىنا بايلانىستى ەنەرگەتيكا ءمينيسترى باستاعان كوميسسيا قۇرىلدى. كوميسسيا قۇرامىنا ەنەرگيا قاداعالاۋ سالاسىنىڭ جانە ءتيىستى ورگانداردىڭ وكىلدەرى كىردى. الماسادام ساتقاليەۆ سارانداعى قازاندىقتىڭ ىسكە قوسىلماۋىنىڭ سەبەپتەرىن اتادى.
بۇگىن اپپاراتتىق جينالىستا قاراعاندى وبلىسىنىڭ اكىمى ەرماعانبەت بولەكپايەۆ ساران قالاسىنىڭ اكىمى ەركىن باۋلىقوۆ پەن قاراعاندى وبلىسىنىڭ ەنەرگەتيكا جانە تكش باسقارماسىنىڭ باسشىسى تىلەكتەس دوسايەۆ قاتاڭ سوگىس العانىن مالىمدەدى. سونداي- اق وبلىس اكىمىنىڭ ءبىرىنشى ورىنباسارى ازامات تايجانوۆقا ەسكەرتۋ تۇرىندە تارتىپتىك جازا جاريالاندى.
كەيىن ساران قالاسىنىڭ اكىمى قىزمەتىنەن بوساتىلدى.
