پرەزيدەنت ق ح ر مەملەكەتتىك كەڭەسىنىڭ مۇشەسى، سىرتقى ىستەر ءمينيسترى ۆان يدى قابىلدادى
كەزدەسۋ بارىسىندا قاسىم-جومارت توقايەۆ قىتاي ديپلوماتياسىنىڭ الەمدىك ساياساتتا اسا ماڭىزدى ءرول اتقاراتىنىنا توقتالدى.
ونىڭ ايتۋىنشا، قىتايدىڭ باستامالارى جاھاندىق كۇن تارتىبىنە ىقپال ەتەدى جانە حالىقارالىق بەيبىتشىلىك پەن تۇراقتىلىقتى ساقتاۋعا ەلەۋلى ۇلەس قوسادى. مەملەكەت باسشىسى قىتايدى تاۋار ءوندىرۋ جانە ەكسپورتتاۋ، تەحنولوگيالىق يننوۆاتسيا، ەكونوميكالىق ءوسىم، حالىقارالىق ينۆەستيتسيا جانە باسقا دا كوپتەگەن سالادا مويىندالعان كوشباسشى ەل رەتىندە اتاپ ءوتتى.
پرەزيدەنت ب ۇ ۇ، ش ى ۇ، ا و س ش ك سياقتى حالىقارالىق ۇيىمدار اياسىنداعى قازاق-قىتاي قاتىناستارىنا جوعارى باعا بەردى.
- قازاقستان قىتايدىڭ سەنىمدى سەرىكتەسى جانە سولاي بولىپ قالا بەرەدى. بۇعان دەيىن قول جەتكىزىلگەن ۋاعدالاستىقتاردى جۇزەگە اسىرۋ ءۇشىن قولدان كەلگەننىڭ ءبارىن جاسايمىز. شىن مانىندە، ەكى ەل اراسىنداعى بايلانىستار مەن ىنتىماقتاستىقتىڭ بولاشاعى زور، - دەدى پرەزيدەنت.
مينيستر ۆان ي قازاق جەرىندە قۇرمەت كورسەتكەنى ءۇشىن مەملەكەت باسشىسىنا العىس ايتىپ، ق ح ر ءتوراعاسى شي جينپيڭنىڭ ىزگى تىلەگىن جەتكىزدى.
كەزدەسۋدە ساۋدا-ەكونوميكالىق، ەنەرگەتيكالىق، مادەني-گۋمانيتارلىق سالالارداعى ەكىجاقتى ىقپالداستىقتى ودان ءارى نىعايتۋ پەرسپەكتيۆالارى، سونداي-اق ۇكىمەتارالىق قاتىناستاردى كەڭەيتۋ مۇمكىندىكتەرى تالقىلاندى.
مەملەكەت باسشىسى ق ح ر ءتوراعاسى شي جينپيڭگە سالەمىن جولداپ، ونىڭ استاناعا جاسايتىن الداعى مەملەكەتتىك ساپارىنا ۇلكەن ءۇمىت ارتاتىنىن جەتكىزدى.
