پرەزيدەنت مەتاپنيەۆموۆيرۋس تۋرالى: ودان داڭعازا جاساۋدىڭ كەرەگى جوق
استانا. KAZINFORM - مەملەكەت باسشىسى قاسىم-جومارت توقايەۆ ل. ن. گۋميليەۆ اتىنداعى ەۋرازيا ۇلتتىق ۋنيۆەرسيتەتىنىڭ ستۋدەنتتەر ۇيىنە باردى. وندا پرەزيدەنت مەتاپنيەۆموۆيرۋسقا قاتىستى پىكىر ءبىلدىردى.
- قازىر ءبارى جاڭا ينفەكسيا تۋرالى ايتىپ جاتىر. مەنىڭشە، ودان داڭعازا جاساۋدىڭ قاجەتى جوق. سوندىقتان قىتايمەن ىنتىماقتاستىقتى ودان ءارى دامىتۋىمىز كەرەك - دەدى ول.
ايتا كەتەيىك، مەملەكەت باسشىسى ەۋرازيا ۇلتتىق ۋنيۆەرسيتەتىنىڭ ستۋدەنتتەرى مەن ماگيسترانتتارىنا جانە دوكتورانتتارىنا ارنالعان 2656 ورىندىق جاڭا جاتاقحانانى ارالاپ كورگەن بولاتىن.
عىلىم جانە جوعارى ءبىلىم ءمينيسترى پرەزيدەنتكە ستۋدەنتتەردى جاتاقحانامەن قامتاماسىز ەتۋ، ەلىمىزدە شەتەلدىك جوعارى وقۋ ورىندارىنىڭ فيليالدارىن اشۋ ارقىلى اكادەميالىق حاب قۇرۋ شارالارى جونىندە باياندادى.
قاسىم-جومارت توقايەۆ بۇل باعىتتا جۇرگىزىلىپ جاتقان جۇمىستاردى وڭ باعالاپ، ءبىلىم بەرۋ سالاسىنداعى جانە جاستار اراسىنداعى حالىقارالىق ىنتىماقتاستىقتىڭ ماڭىزدى ەكەنىنە نازار اۋداردى.
