پرەزيدەنت مەملەكەتتىك ورگانداردى ەكونوميكانى ورنىقتى دامىتۋ ءۇشىن ساننان ساپاعا كوشۋگە شاقىردى
استانا. KAZINFORM - قاسىم-جومارت توقايەۆ ەكونوميكالىق دامۋ ساپاسىن ارتتىرۋ جانە باعا تۇراقتىلىعىن قامتاماسىز ەتۋ ماسەلەلەرى بويىنشا كەڭەس وتكىزدى، دەپ حابارلايدى اقوردانىڭ باسپا ءسوز قىزمەتى.
جيىنعا پرەمەر-مينيستر، پرەزيدەنت اكىمشىلىگىنىڭ باسشىلىعى، ۇلتتىق بانكتىڭ ءتوراعاسى، قارجى نارىعىن رەتتەۋ جانە دامىتۋ اگەنتتىگىنىڭ، ستراتەگيالىق جوسپارلاۋ جانە رەفورمالار اگەنتتىگىنىڭ جەتەكشىلەرى مەن ۇكىمەت مۇشەلەرى قاتىستى.
كەڭەس بارىسىندا ماكروەكونوميكالىق ورنىقتىلىقتى نىعايتۋ، ازاماتتاردىڭ ءال- اۋقاتىن كوتەرۋ جانە ينفلياتسيا دەڭگەيىن تومەندەتۋ شارالارى قارالدى.
پرەزيدەنت حالىقتىڭ تابىسىن جاقسارتۋدا ساننان ساپاعا كوشۋدىڭ ماڭىزدى ەكەنىن اتاپ ءوتتى.
قاسىم-جومارت توقايەۆ ەكونوميكانى ورنىقتى دامىتۋ ءۇشىن بارلىق جاۋاپتى مەملەكەتتىك ورگانداردىڭ جۇيەلى جۇمىس ىستەۋى كەرەك ەكەنىن ايتتى.
