پرەزيدەنت مەملەكەت قايراتكەرى ەلەۋسىن ساعىندىقوۆتى قابىلدادى

قاسىم- جومارت توقايەۆ مەملەكەت قايراتكەرى ەلەۋسىن ساعىندىقوۆتى قابىلدادى، دەپ حابارلايدى قازاقپارات اقورداعا سىلتەمە جاساپ.

مەملەكەت باسشىسى ۇزاق جىلدار بويى ءارتۇرلى جوعارى لاۋازىمدى مەملەكەتتىك قىزمەت اتقارعان ەڭبەك ارداگەرى ەلەۋسىن ساعىندىقوۆپەن كەزدەسىپ، ەلدىڭ دامۋى جونىندە پىكىر الماستى.

ەلەۋسىن ساعىندىقوۆ پرەزيدەنتتىڭ باستاماسىمەن قازاقستاندا جۇرگىزىلىپ جاتقان ساياسي- ەكونوميكالىق رەفورمالارعا قولداۋ ءبىلدىردى.

سونداي- اق مەملەكەت باسشىسىنىڭ بيىلعى «ادىلەتتى قازاقستاننىڭ ەكونوميكالىق باعدارى» اتتى قازاقستان حالقىنا جولداۋىندا ايتىلعان نەگىزگى مىندەتتەردى جۇزەگە اسىرۋعا، اتاپ ايتقاندا وڭىرلەردىڭ دامۋىنداعى باسىمدىقتاردى ايقىنداۋعا، سونداي- اق جەرگىلىكتى جانە ورتالىق اتقارۋشى ورگانداردىڭ جۇمىسىن جەتىلدىرۋگە قاتىستى ۇسىنىستارىن جەتكىزدى.