پرەزيدەنت مادەنيەت جانە اقپارات ءمينيسترى ايدا بالايەۆانى قابىلدادى

 مەملەكەت باسشىسىنا مينيسترلىكتىڭ قازىرگى قىزمەتى مەن الدا اتقاراتىن جۇمىستارىنىڭ پەرسپەكتيۆالارى تۋرالى باياندالدى، دەپ حابارلايدى Kazinform اقوردانىڭ رەسمي سايتىنا سىلتەمە جاساپ. 

پرەزيدەنتكە مينيسترلىكتى قايتا قۇرۋ ناتيجەلەرى، سونداي-اق مادەنيەت، اقپارات، ءدىن، ەتنوسارالىق قاتىناستار، ازاماتتىق قوعام، وتباسى جانە جاستار ساياساتى سالالارىن دامىتۋعا باعىتتالعان جاڭا جوبالار جايىندا مالىمەت بەرىلدى.

ايدا بالايەۆا كرەاتيۆتى يندۋستريانى دامىتۋعا، كينو جانە كىتاپ سالالارىن جەتىلدىرۋگە، سونىمەن قاتار ءبىرقاتار زاڭ جوباسىن ازىرلەۋگە قاتىستى جۇمىس جوسپارىن تانىستىردى.

كەزدەسۋ سوڭىندا قاسىم-جومارت توقايەۆ مينيسترلىككە اتالعان باعىتتاردى ودان ءارى ىلگەرىلەتۋ جونىندە ءبىرقاتار ناقتى مىندەت جۇكتەدى.