پرەزيدەنت ۇلتتىق قاۋىپسىزدىك كوميتەتىنىڭ ءتوراعاسىن قابىلدادى
استانا. KAZINFORM - مەملەكەت باسشىسى ۇلتتىق قاۋىپسىزدىك كوميتەتىنىڭ ءتوراعاسى ەرمەك ساعىمبايەۆتى قابىلدادى.
پرەزيدەنتكە ۆەدومستۆونىڭ بيىل جىل باسىنان بەرى تەرروريزمگە جانە ءدىني ەكسترەميزمگە قارسى ءىس- قيمىل جونىندەگى جۇمىسىنىڭ نەگىزگى ناتيجەلەرى جانە الداعى كەزەڭدە قابىلداناتىن شارالار تۋرالى باياندالدى. قاسىم-جومارت توقايەۆقا وسى ۋاقىت ىشىندە ەكى لاڭكەستىك شابۋىلدىڭ جولى كەسىلگەنى تۋرالى ايتىلدى. ونىڭ بىرەۋى شەت مەملەكەتتە شەتەلدىك سەرىكتەستەرمەن بىرلەسىپ جاسالماق بولعان.
ۇلتتىق قاۋىپسىزدىك كوميتەتى تەرگەپ-تەكسەرگەن قىلمىستىق ىستەردىڭ نەگىزىندە راديكالدى ءدىني يدەولوگيانىڭ 26 جاقتاۋشىسى لاڭكەستىك جانە ەكسترەميستىك ارەكەتتەرى ءۇشىن سوتتالدى. تاعى 22 ادامعا قاتىستى سوتقا دەيىنگى تەرگەۋ امالدارى جالعاسىپ جاتىر.
ۇ ق ك ءتوراعاسىنىڭ مالىمەتى بويىنشا ەكسترەميستىك كوزقاراستارىنا بايلانىستى رەسپۋبليكاعا 139 شەتەلدىكتىڭ كىرۋىنە جول بەرىلمەگەن، 280 نەن استام شەتەلدىك ازامات قازاقستاننان شىعارىلعان. تىيىم سالىنعان ءدىني ادەبيەتتەردى ەلگە زاڭسىز اكەلۋگە قاتىستى 190 نان استام ارەكەتكە توسقاۋىل قويىلىپ، 19 شەتەلدىك جاۋاپقا تارتىلعان. زاڭسىز اينالىمداعى 237 اتىس قارۋى، 27 جارىلعىش قۇرىلعى، 4500 دەن استام وق- ءدارى جانە باسقا دا تەررور قۇرالدارى تاركىلەندى.
ەرمەك ساعىمبايەۆ جىل باسىنان بەرى 340 تان استام تەرروريزمگە قارسى وقۋ-جاتتىعۋ جيىنى ۇيىمداستىرىلعانىن جەتكىزدى.
تەرروريزمگە قارسى كۇرەس شارالارىن كۇشەيتۋ اياسىندا ى ءى م جانە ۇ ق ك كۇشتەرى مەملەكەتتىك جانە وزگە دە نىساندارعا، ونىڭ ىشىندە حالىق كوپ جينالاتىن ورىندارعا 3400 گە جۋىق تەكسەرۋ جۇرگىزدى.
مەملەكەت باسشىسىنا ەكسترەميزم مەن تەرروريزمگە قارسى ءىس- قيمىل جۇيەسىن دامىتۋدىڭ 2023-2025 -جىلدارعا ارنالعان كەشەندى جوسپارىنداعى وزگە دە شارالاردىڭ جۇزەگە اسىرىلۋ بارىسى تۋرالى مالىمەت بەرىلدى.
كەزدەسۋ سوڭىندا قاسىم-جومارت توقايەۆ تەرروريزمگە قارسى ءىس- قيمىل سالاسىنداعى جۇمىستاردى كۇشەيتۋ جونىندە ءبىرقاتار تاپسىرما بەردى.
