پرەزيدەنت ەلدىڭ ەمەس، ءوز ماسەلەسىن ايتىپ قالۋعا تىرىساتىن كاسىپكەرلەر بارىن ايتتى

President Kassym-Jomart Tokayev
Photo credit: Akorda

استانا. KAZINFORM - ۇلتتىق قۇرىلتايدىڭ ءۇشىنشى وتىرىسىندا سويلەگەن سوزىندە پرەزيدەنت ەلىمىزدەگى كاسىپكەرلەر جەكە مۇددەسىن قوعام مۇددەسىمەن ۇيلەستىرە ءبىلۋى كەرەك ەكەنىن باسا ايتتى.

«مەن مەملەكەت باسشىسى رەتىندە ءاربىر ماسەلەنى اشىق تالقىلاۋعا دايىنمىن. وزدەرىڭىزگە ءمالىم، كاسىپكەرلەرىمىزبەن ۇنەمى كەزدەسىپ جۇرەمىن. بيزنەس وكىلدەرى بەلگىلى ءبىر سالاداعى ساياساتتى جەتىلدىرۋگە قاتىستى ستراتەگيالىق باستاما كوتەرەدى دەپ سەنەمىن. ولار ەكونوميكانىڭ ءتۇرلى سالاسىن دامىتۋ تۋرالى ناقتى ۇسىنىس ايتادى دەپ ۇمىتتەنەمىن. الايدا، كەيبىر كاسىپكەرلەر الدىمەن ەلدىڭ ەمەس، ءوزىنىڭ ماسەلەسىن ايتىپ قالۋعا تىرىسادى. ءتىپتى، بيزنەس- جوباسىنا قولداۋ كورسەتۋدى، وزىنە جەڭىلدىك بەرۋدى سۇرايدى. سول ءۇشىن مەملەكەتتىك ورگاندارعا تاپسىرما بەرۋىمدى وتىنەدى. ءبىر سوزبەن ايتساق، باياعى، ۇيرەنشىكتى جولىمەن جۇرگىسى كەلەدى. ءوز مۇددەسىن بارىنەن جوعارى قويىپ، جەكە ماسەلەسىن مەملەكەت ەسەبىنەن شەشۋگە ۇمتىلادى. باسقا جۇرتقا قاراڭىزدار. كوپتەگەن ەلدىڭ، ءتىپتى، كورشى ەلدەردىڭ وزىندە ءىرى كاسىپكەرلەر مەملەكەتكە الاقان جايمايدى. كەرىسىنشە، تۋعان ەلىن دامىتۋعا ءوز ەركىمەن قىرۋار قارجى جۇمسايدى. وسى ەلدە كاسىبىن جاساپ، بايىعان ادامدار قارا باسىنىڭ عانا ەمەس، ەلدىڭ دە قامىن ويلاۋعا ءتيىس دەپ سانايمىن. ولار جەكە مۇددەسىن قوعام مۇددەسىمەن ۇيلەستىرە ءبىلۋى قاجەت»، - دەدى قاسىم-جومارت توقايەۆ.

سوڭعى جاڭالىقتار